föstudagur, október 29
Gott „kvót“
Svona bara til að koma í veg fyrir allan misklining, þá er ég hvorki sérstakur aðdándi Duran Duran né Brbarella, bara gaman að vita svona hluti ...
Hins vegar langar mig að minnast aftur á gest hjá Leno. Man reyndar ekki hvað þessi maður heitir, en hann er víst með einhver stjórnmálaumræðuþátt þarna út í hinum stóru Bandaríkjum. En hann kom með eitt helvíti gott „komment“ sem ég er ekki frá því að hafi verið smá sannleikskorn í. Hann sagði að flestur þeir sem horfðu á umræðuþætti um stjórnmál notuðu þá líkt og fyllibytta notar ljósastaur. Ekki til að fá uppljómun, heldur sem stuðning. Fæstir horfa á þessa þætti til að móta sér skoðun, frekar að þeir noti þá til að leita einhvers sem styður við þeirra eigin skoðanir.
En, lesandi góður, sástu nokkuð Leno í gær? Ef svo var, hvernig fannst þér William Shatner?
miðvikudagur, október 27
Hvað er þetta með þetta 80's
(Ætlaði reyndar að pósta þessu í gær, en bloggerinn var í einhverju fokki eins og svo oft)
Mér þótti það ansi merkilegt að sjá hljómsveitina Duran Duran koma fram hjá Jay Leno um daginn. En var jafnframt undrandi á því að Kevin Eubancks skildi ekki geta nefnt einn mann í hljómsveitinni með nafni, þegar Leno innti hann eftir því. Ég meina, hver veit ekki að söngvarinn heitir Simon Labon (hvernig sem það er nú stafsett). En hins vegar leikur mér forvitni á hvað þú, lesandi góður, ert fróður. Og ætla ég því að stela smá hugmynd hérna frá Borgþóri og vera með surningu hérna, og spyrja:
Hvaðan er nafnið Duran Duran fengið?
þriðjudagur, október 26
Framandi íþróttir
Rafkaup, fyrirtæki sem ég kannast annras ekkert við, er með tæplega heilsíðu auglýsingu í Fréttablaðinu í dag. Þar sem þeir eru að auglýsa það sem þeir kalla kastaradaga hjá sér. Þar er víst hægt að versal allskyns kastara á kosta kjörum. Og ætla ég ekkert að draga það í efa, hins vegar fannst mér það ansi athyglisvert að þeir ákváðu að hafa mynd af Amerískum (gat mér þess allanvega til að hann væri Amerískur) hafnaboltamanni. Sem væri svo sem ekkert vitlaust ef ekki væri fyrir það að þeir eru með mynd af batter en ekki pitcher sem manni hefði nú þótt eðlilegra þegar verið er að auglýsa kastaradaga. En kannski að tengingin hafi átt að vera önnur, hver veit ...
mánudagur, október 25
Senn koma jólin
Sá fyrstu jólaauglýsinguna í gær með jólalagi og alles. Hereford-ssteikhús að auglýsa yfirvofandi jólahlaðborð. Var reyndar búinn að sjá að Bónus er búið að setja fram Jólapiparkökur. Ég meina hvað er það ?!? Piparkökur og það sérmerktar Jólapiparkökur um miðjan október. En samt þegar ég sá þessa auglýsingu frá Hereford þá fékk ég svona nett sjokk, að hugsa til þess hvað það er stutt til jóla. Ekki það að mér finnist ekki gaman á jólunum, þvert á móti þá fíla ég jólin í botn, reyndar full mikið fyllerí sem fylgir þessum tíma stundum hjá manni. En það er nú annað mál. En mér var bara hugsað til prófanna sem ég þarf að þreyta þá, og hvað ég er langt frá því að eiga nokkurt erindi í flest þeirra. Væri kannski vit að fara að reyna að læra eitthvað af viti í þessu.
Verst bara hvað það er leiðinlegt ...
En svona að lokum. Hvað ætlaru að gera í þessu ?!? Hvað er í gangi þarna, og hver er maðurinn? Var líka að spá, er þetta ekki peysa frá björgunarfélaginu sem hann er í? Hannes, hvað segir þú um það??
Hjálpið Gogga og Betu að bjarga deginum
Þetta er ekki bara fyndin, heldur líka ágætlega skemmtilegur leikur. Nýtti tækifærið núna, þ.s. ég hef um að ráða 500 mb fríu erlendu download-i á sunnudögum, og fór í gegnum eitthvað af leikjunum sem likað er á hjá B2.is. Rakst þar á umræddan leik, sem ég eyddi dágóðum tíma í. Maður vonar bara að Gogga reynist ekki janf auðvelt að rúlla upp kosningunum og manni reynist að plaffa terroristana niður í þessum leik.
sunnudagur, október 24
Slappað af á laugardegi
Langt síðan að maður hefur prófað þetta. Nú sit ég heima á laugardagskvöldi (ahh eða nóttu), óþunnur og alles. Ný búinn að glápa á vídeó í rólegheitum. Kíkti út í Bónusvídeó hérna í Spönginni og fann mér eina ræmu, sem ég var reyndar ekki búinn að sjá trailer fyrir eða neitt, 3 blind mice með Edward Furlong og svo einhverju liði sem ég kannaðist ekkert við. Hafði allveg ágætlega gaman af þessari mynd þó hún hafi verið slitin svolítið í sundur með símtölum. Fyrst var það Mánabars-barónninn Tryggvi Már sem hringdi í mig og spjallaði við mig í óratíma. Það var víst eitthvað lítið að gera á Mánanum, eins og er gjarnan þegar það eru böll í gangi í Höllinni. Það borgar sig víst að hafa hann góðan þar sem maður er ekki alveg búinn að gera upp allar skuldir við barinn. Svo fékk ég símtal sem ég átti ekki nokkra von á, en hafði þó sérstaklega gaman af. Faðir minn hringdi í mig af Lundaballinu, svona rétt til að leyfa mér að heyra í fjöldasöngnum hjá Johnsen-inum. Eftir að hafa hlustað á fáeinar aríur, þá spjallaði ég aðeins við kallinn og bað hann fyrir kveðjum til allra Brandarann þarna, þar sem ég sá mér ekki fært að mæta á ballið í eigin persónu þetta árið. Stefnan sett á að bæta úr því á næsta ári.
föstudagur, október 22
Saddur, en sáttur
Nú er ég saddur. Ég fór nefnilega áðan í þá snilldar verzlun, Ísbúðina við Hagamel. Lærifélaga mína þá Ívar og Heimi langaði eitthvað svo mikið til að fá sér ís eftir að við komum út í sólina eftir að hafa legið sveittir á ennum yfir heimadæmum in í VR II. Ég fékk mér lítin bragðaref sem varð til þess að ég er eins saddur og ég sagði hér áðan. Ívar fékk sér hins vegar bragðaref af miðlungs stærð, og kvartaði undan verkum í maga eftir að hafa komið honum ofan í sig. Út frá því spunnist miklar vangaveltur um það hverjum stærsta gerð bragðarefsins þarna væri eiginlega ætluð. Kom þá upp sú hugmynd að það væri athugandi fyrir þá vitleysingana í 70 mín að fara í keppni um það hver þeirra gæti verið fljótastu að klára það ísfjall sem manni er án efa veitt í stærsta bragðarefsmálinu hjá þeim þarna við Hagamelin.
Eftir að hafa losaði mig við þá Ívar og Heimi brunaði ég hingað út í Grafarvoginn, en ákvað að stoppa aðeins í Olísstöðinni sem ég ek vanalega fram hjá nokkrum sinnum á dag, til að skola af bílnum. Enda var hann orðinn það illilega skítugur eftir rokið um daginn, að erfitt var orðið að greina nokkuð í gegnum gluggana. Meðan ég stóð þarna rennblautur í lappirnar að nudda VW drusluna mína með vatnskústinum renndi einhver sú all fegursta stúlka sem ég hef séð við hliðin á mér til að skola af bílnum sínum. Ég var um tíma að íhuga það að úða aðeins yfir hana til að fá afsökun fyrir að yrða á hana.
Fyrirgefðu ...
þriðjudagur, október 19
Sér er nú hver fíknin
Ætla hér að deila með ykkur tvennu sem ég er búinn að vera „húkkt á“ núna undanfarna daga. Þennan leik er ég búinn að eyða fullmiklu tíma í. Fáránlega einfaldur en samt virkilega ávanabindandi, fyrir mig allanvega. Svo er ég líka búinn að hlusta alveg óhóflega mikið á þetta lag. Er búinn að vera með það á repeat í spilaranum í bílnum mínum undandfarið. Og maður eyðir ekkert litlum tíma í bílnum þessa dagana, eftir að maður fluttist hingað út í Grafavog.
mánudagur, október 18
Hoffman að „meika'ða“
Það er aldeilis að þeir virðast vera „meika það“ þessa dagan, peyjarnir í Hofmann. Það er bara umfjöllun um þá í Fréttablaðinu í dag, þar sem sagt er frá því að Sony útgáfan hefur verið að sýna þeim áhuga. Þessi grein er birt í heild sinni hér á Eyjafréttium. Það er samt kannski rétt að benda á það að þetta er ekki sama mynd og er af þeim í Fréttablaðinu, þar er myndin sem er á „póstrenum“ þeirra (ef einhver kannast við að hafa séð hann). Það er þó tvær villur að finna í umfjöllun þeirra Fréttablaðsmanna. Í fyrstalagi, eins og réttilega er bent á í greininni inn á Eyjafréttum, að trommuleikarinn heitir Magni en ekki Magnús. En svo segja þeir þarna á öðrum stað að allir meðlimir hljómsveitarinnar séu fluttir til Reykjavíkur. Það er ekki satt því Þórir vinur minn Ólafsson er enn búsettur í Eyjum.
En það skiptir kannski ekki máli, hann spilar hvort eð er bara á skemmtara ...
sunnudagur, október 17
Flottar myndir
Ég rakst á þessar myndir áðan þegar ég var að renna í gegnum linkana hjá B2.is. Um að gera að nýta það að maður fær 500 mb af fríu download-i á sunnudögum. Þarn er að finna þessar líka fínu yfirlitsmyndir úr gosinu, með samanburð við daginn í dag. Ég hafði afar gaman af því að skoða þær, og ákvað því að leyfa ykkur að njóta þess með mér. Svo smellið bara hér til að skoða þetta.
fimmtudagur, október 14
VKB komið í pólitískt samband við USA
Var að renna í gegnum upplisýngarnar sem er að finna á Extreme-tracking.com, snilldar tæki. Þar er meðal annars hægt að sjá af hvaða síðum fólk hefur verið að koma sem ramba á síðuna mans gegnum linka. Komst ég þá að því að þessi maður hafði sent einhver til mín af síðu sinni, sem er að finna hérna. Maðurinn er allgreinilega farinn að hafa áhyggjur af að ná ekki endurkjöri. Og ákvað hann því að leita á náðir forseta VKB, eftir að hafa heyrt af því hvaða árangri að Guðjón Hjörleifsson hefur náð í pólitík. Eftir að hann taldi forystu VKB á að gefa út opinbera yfirlýsingu honum til stuðnings fyrir síðustu alþingiskosningar.
miðvikudagur, október 13
Af leiknum
Eins og öllum ætti að vera ljóst þá fór fram landsleikur í fótbolta fyrr í kvöld. Þar sem íslenska landsliðið beið minnihlut fyrir Svíum 1 - 4. Ég áttaði mig þó á því eftir að hafa horft á viðtal sem var tekið við Pétur Marteins eftir leik, að við unnum þó seinni hálfleik. Og fyrst að Svíarnir unnu bara fyrri hálfleikinn, þá var þetta í raun bara jafntefli einn hálfleikur gegn einum hálfleik.
1 - 1 jafntefli gegn Svíum í alvöru landsleik. Það er sko ekki amalegt ...
þriðjudagur, október 12
Komið að kveðjustund
Enn heldur ferða-blogið mitt áfram. Nú er reyndar ætlunin að flytja varanlega. Nei, ég er ekki á leið úr Grafarvoginum, ekki strax í dag allanvega. Heldur er ætlunin að flytja URL-ið á þessari síðu yfir á nýtt og betra svæði, eða http://helgi.vinirketils.com.
Sjáumst sem fyrst á nýjum slóðum ...
mánudagur, október 11
Draumfarir
Veit ekki alveg afhverju, en það var rétt í þessu ég mundi eftir því að mig dreymdi alveg rosalega sterkan (ef rétt er að nota það orð um draum) draum um Þjóðhátíð um daginn, á föstudaginn að mig minnir. Þetta átti sér stað, eins og er svo títt með skíra drauma hjá mér, um morgunin þegar ég var að rumska við sé endurtekið væl vekjaraklukkunnar milli þess sem ég lamdi snooze-takkann. Þetta var alveg yndislegar draumur, eins og við var að búast af draum um Þjóðhátíð, rosa stoð og voða gaman. En eftir því sem ég kom betur og betru til rænu, við hvert væli klukkunnar, fór mér að líða verr og verr við tilhugsunina um hvað væri langt í næstu Þjóðhátíð. Því greyp ég til þess ráðs að reyna að halda í þennan draum eins lengi og ég gat. Sem varð til þess að ég var full seinn í fyrsta tímann, þó ég hafi hlaupið beint út úr dyrunum eftir að hafa klætt mig, og sleppa þannig mikilvægustu máltíð dagsins, morgunmatnum.
Kominn í borgina
Jæja, þá er maður kominn aftur í Grafarvoginn, glaðbeittur eftir góða helgi. Þetta er farið að verða hálfgert ferða-blog hjá mér, næstum því jafn viðburðaríkt og hjá Jónu. Samt ekki alveg jafn víðförull kannski.
Var tilneyddur að taka linkana mína aðeins í gegn, þurfti að breyta linkinum á Bogga, þ.s. hann hefur flutt bloggið sitt. Auk þess sem Eiðberg Fríill er í þann veginn að fara að viðra skoðanir sínar á veraldar vefnum. Þeir eru báðir komnbir með síður undir VKB síðunni, og þykir mér það afar einkennilegt að forseta félagsins skuli ekki vera boðin slík þjónusta...
föstudagur, október 8
Fólk er svo SICK...
Djöfullsins snilld er þetta!
Ef þetta er ekki húmor, þá...
Er þessu liði sennilega alvara.
Sem ég veit ekki hvort er meira „skerí“ eða fyndið.
Kominn í föðurhús
Tók þá ákvörðun skyndilega í morgun að fara fyrr ti Eyja en ég ætlaði mér. Hafði ekki ætlað mér að fara fyrr en á laugardaginn (á morgun sem sagt), aðallega vegna þess að Hofmann eru að fara að spila á Jack Live kvöldi á Gauknum í kvöld, og Viggó hafði verið eitthvað að nauða í mér um að ég mætti. Svo þegar nær dróg, þá var útlit fyrir að enginn nema ég stefndi á að fara þarna (þá á ég við af liði sem ég þekki) svo ég afréð að fara sjálfur. Síðan æxluðust málin einnig þannig að ég var fyrr laus úr skólanum enn að ég átti von á svo að ég gat komist með fyrri Herjólfs. Dreif ég mig því heim úr skólanum, henti ofan í tösku og brunaði í höfnina. Án þess að láta kóng né prest vita. Ekki það að þeim sé sennilega allveg sama, en hins vegar tókst mér að koma móðir minni skemmtilega á óvart, með því að birtast óvænt sólahringi fyrr en ráð var fyrir gert.
Það er búið að vera fjandanum erfiðara að skrifa þetta póst. Þar sem ég kom tölvunni í samband hér við netið, er upp í bedda (skrítið veit ég en þú skilur þetta betur ef þú sérð þetta (ekki það að ég ætli að fara að bjóða þér hingað) lesandi góður). En yngsti meðlimur heimilisins, 3 mánaða gömul læða vildi endilega fá að vera hérna uppí hjá mér. Og var hún voðalega hrifin af músarbendlinum á skjánum og ekki síður öllum þessum stöfum sem birtast í gríð og erg er ég pikka hérna á lyklaborði. Hún þurfti náttúrulega eitthvað að fara að skoða það betur, og í leiðinni að „aðstoða“ mig við innsláttinn.
Svo allar innsláttar villur eru á hennar ábyrgð...
miðvikudagur, október 6
Haltu Kjafti!
Eins og glöggur lesndi síðunnar er eflaust búinn að reka augun í, þá er ég búinn að bæta við hnappi hér hægra megin undir blaðurskjóðunni. Ef þú smellir á þennan hnapp þá verður þér varpað inn á spjallborð fyrir málefnalegar rökræður sem ber það einkar málefnalega nafn Haltu Kjafti. Hugmyndinn var að reyna að mynda stemmingu eins og var á sínum tíma á spjallinu hjá Eyjafréttum. Og var mér veittur sá heiður að vera eitthvað bendlaður við stofnun þessa spjalls. Gaman væri, lesndi góður, ef þú fyndir eitthvað þarna inni til að tjá þig um. Endilega kíktu á það, skráðu þig og hentu þér svo út í hina djúpulaug málefnalegra rökræðna. Eins þætti okkur mjög vænt um það ef þú sæir þér fært að linka á okkur inni á síðunni þinni, ef þú hefur þá slíka. Upplýsingar um hvernig best sé fyrir þig að gera það er að finna í þessu pósti hjá honum Andra Hugo.
þriðjudagur, október 5
Hávær mótmæli?
Í tilefni dagsins
Ákvað að deila með ykkur einhverju svona smá í tilefni dagsins.
Gerið þið svo vel
Merkisdagur
Í dag er mikill merkisdagur í sögu vestrænnar menningar, og á ég von á að sjá myndir af hátíðarhöldum, í fréttunum í kvöld, um allann hinn vestrænaheim. Og jafn vel víðar þ.s. vestræn menning tegir anga sína æ víðar þessa dagana. Hefði helst viljað skála í kvöld í tilefni af þessu. En held ég láti það vera, því enn eimir vel af móral yfir kenndiríi helgarinnar.
En svona til að fræða þann sem kann að vera að lesa um þetta fyrst hér á minni síðu (sem ég á nú ekki von á að séu sérlega margir), þá eru í dag liðin rétt 35 ár frá því að fyrsti þátturinn af Flying Circus þáttum snillinganna í Monty Python fór í loftið hjá BBC.
Og óska ég öllum Python aðdáendum nær og fjær innilega til hamingju með afmælið.
Sori
Hvað ætlaru að gera í þessu?
mánudagur, október 4
Í sjálfsskoðun
Það var hörku stuð þessa helgi og vel tekið á því. Stofnfundur Ölkrúsafélagsins Stymmi Gísla fór fram úr allra vonum, og allir stofn meðlimir, auk sérstaks gestar fundsins, voru gjörsamlega á snepplunum þegar lagt var af stað út frá Borgþóri. En eins og henda vill með þennan mannskap þá gekk full brösulega að koma honum út, sem varð til þess að það var allt orðið stappað í Bjórhátíðar tjaldinu. Var nú samt ágætis stemmning þar, og héldum við því freka snemma af stað niður í bæ, upp úr kl 22. Og tókum til við þræl vel heppnað skemmtanahald í miðbæ Reykjavíkur upp úr því.
Eitt af því sem stendur hvað mest upp úr þessa helgi er samt það þegar ég var að rölta niður eftir Laugarveginum og gaf mig á tal við einhvern peyja. Virtist ágætis peyji, en hann vildi endilega fá mig til að skella í mig smá amfetamíni sem hann hafði meðferðis. Ég af þakkaði það nú, en spjallaði eitthvað við hann áfram. Þá kom í ljós að hann hefði verið í meðferð með Vestmannaeying sem ég kannaðist við. Þá skaut ég því inní, svona í kaldhæðni minni, að það hefði jafn miklum árangri og raun bar vitni. Þá útskýrði peyjinn það fyrir mér að það væri bara miskilningur í fólki að menn færu í meðferð til að hætta í neyslu. Þetta væri bara til að finna sjálfan sig, og til að hjálpa mönnum að skilja sjálfan sig betur.
Maður lærir alltaf eitthvað nýtt á hverjum degi.
Ég
er fæddur í Eyjum 1981
hef búið í Eyjum nær alla ævi
bý núna í Reykjavík
vinn sem möppudýr í smiðju í Garðabæ
er flokksbundinn Sjálfstæðismaður
veit ekki hvað ég get sagt fleira um sjálfan mig
býð þig hjartanlega velkominn á síðuna
e-Póstur
msn
Lesist á eigin ábyrgð
Blogg-óði maðurinn
Blogg-óða konan
Blogg-óði faðirinn
Þessi flúði land
Passið ykkur á þessum
Síra
Sýra
njé-2
Þessi kom á Þjóðhátíð
Oft gaman að þessum
Þessi er rokk-fróður
Þessi hefur áhuga á listum
Þessi kann að segja sögur
Þessi fær aldrei notið steríós
Þessi stuðlar að fjölgun mannkyns
Þessi ætlar að laga í mér lifrina
Þessi fór til Spáns
Þessi á dýptarmæli
Þessi fílar Bubba óhóflega mikið
Þessi styður Newcastle United
Þessi er mikið fyrir murtuna
Þessi stúderar í Danaveldi
Þessi er í Breskum leikskóla
Þessi kann á rússneskar bongótrommur
Þessi fann Jesúm
Þessi biður að heilsa
Þessi stjórnar bæ
Þessi kann að jóðla
Þessi valdi Hellisey
Foster's Blog
Foster's Net
VKB's Blog
Þetta skoða ég
Fréttir
Mogginn
Vísir
eyjar.net
Háskólinn
VKB
Dalurinn
Ægisdyr
Eyjabloggarar
B2.is
Google
Heimabankinn
Dagskráin
Árgangur '81
Leikjanet
Uncyclopedia
Encyclopedia
KÉSHÁM (NBA)
Öll tónlist
Eyverjar
IMDb
TV.com
YouTube
Reykjavík FM
Gamalt og mis gott
mars 2004
apríl 2004
maí 2004
júní 2004
júlí 2004
ágúst 2004
september 2004
október 2004
nóvember 2004
desember 2004
janúar 2005
febrúar 2005
mars 2005
apríl 2005
maí 2005
júní 2005
júlí 2005
ágúst 2005
september 2005
október 2005
nóvember 2005
desember 2005
janúar 2006
febrúar 2006
mars 2006
apríl 2006
maí 2006
júní 2006
júlí 2006
ágúst 2006
september 2006
október 2006
nóvember 2006
desember 2006
janúar 2007
febrúar 2007
mars 2007
apríl 2007
maí 2007
júní 2007
júlí 2007
ágúst 2007
september 2007
október 2007
nóvember 2007
desember 2007
janúar 2008
febrúar 2008
mars 2008
apríl 2008
maí 2008
júní 2008
júlí 2008
ágúst 2008
september 2008
október 2008
nóvember 2008
desember 2008
janúar 2009
Þakkir fá
blogskins
Main Site
Powered by TagBoard Message Board
