fimmtudagur, apríl 28
Pirringur og kvef
Nú er ég pirraður. Kemst ekki á netið á tölvunni minni. Stalst í tölvuna hjá mínum dygga meðleigjanda, meðan hann situr sveittur yfir próflestri. Afhverju er ég ekki að lesa líka? Kannski vegna þess að ég nenni því ekki. Jú, sennilega vegna þess. Fer ekki heldur í mitt fyrsta próf fyrr enn 9. maí. Ætlaði reyndar í próf annan, en hætti við og ákvað að vinna aðeins lengur. Já krakkar mínir, það kostar sitt að fara á tveggja daga fyllerí 18 kílómetrum fyrir utan Búðardal. Kostar meir en margan skyldi gruna. Sit meðal annars uppi núna með leiðinda kvef. Hugsa að það sé hægt að rekja það til nektarferða út í jökulkalda "á" undir morgun á sunnudeginum. "Áin" reyndist svo vera smá tjörn þegar ég fór að skoða hana daginn eftir þegar runnið var af mér. En það er annað mál. Skildist samt að þetta ævintýri hafi lagt fleiri menn í valinn. Hannes var víst alveg að drepast í gær. Og kveið alveg ósköp fyrir því að þurfa að mæta í vinnu um köldið. Þó mest held ég vegna þess að frá því að hann síðast mætti í vinnu, þá hafði verið haldið staffa-partý þar sem hann tók víst Steina Ara uppi á sviði fyrir framan aragrúa af smástelpum.
En nóg um það. Fáið ykkur plómónu og þegið þið svo ...
þriðjudagur, apríl 26
Ég
Hef lengi ætlað að setja eitthvað sniðugt þarna til hliðar þar sem ætlast er til þess að maður segi eitthvað um mann sjálfann. Þetta sem stóð þarna var bara eitthvað sem ég pikkaði inn fyrst þegar ég var að fikta í að laga til þetta blogg sem Boggi djöfull plataði mig til þess að byrja á. Ætlaði alltaf að skipta því út fyrir eitthver sniðug komment um sjálfan mig eða þessa síðu. Var orðinn hundleiður á þessu. En datt ekkert sniðugt í hug, svo ég skrifaði bara þetta sem stendur þarna núna. En þetta fær að standa þarna þangað til að mér dettur loxins eitthvað sniðugt í hug. Hvenær nú sem það verður.
sunnudagur, apríl 24
Könnunin
Í síðustu könnun ákvað ég að hnýsast aðeins inn í ástæður þess að fólk sé að koma á þessa síðu mína. 17 manns tóku þátt í könnuninni. Flestir, eða 6 manns, kvörtuðu sáran undan persónunjosnum er ég innti þá eftir skíringu á komu þeirra á síðuna. 5 sögðust vera hingað komin til að lesa bullið í mér, sem er svo sem ágætt. En sárar þótti mér þó að þeir kusu að kalla mig fífl. 3 héldu því fram að þeir hefðu bara villst hérna inn. 2 héldu því fram að þeir væru svo almennilegir að þeir væri hingað komnir því að einhver yrði nú að taka það að sér að lesa þetta. En undarlegast þótt mér þó að að eins einn vildi gangast við því að vera hingað kominn til þess að njóta handleiðslu minnar í gegnum lífsins ólgu sjó. En sá ungi drengur mun fá alla þá aðstoð sem ég get mögulega veitt honum.
Við stöndum öll með þér Murtu-Bjössi minn.
miðvikudagur, apríl 20
Little Britain
Var að enda við að sjá minn fyrsta þátt af þessum bresku grínþáttum sem sýndir eru á RÚV. Hef ekki gefið mér tíma til þess að horfa á þetta fyrr, því þessir þættir eru venjulega sýndir á sama tíma og hinir snilldarlegu Americas Next Top Model á Skjá 1. En Americas Next Top Model var seinna á dagskránni í kvöld en venjulega vegna enska boltans. og greip ég því tæki færið og stillti á RÚV til að horfa á þetta. Það er skemmst frá því að segja að Little Britain kom mér virkilega skemmtilega á óvart. Þetta er hin fínast skemmtun, breskur húmor upp á sitt besta. Hef löngum verið mikil aðdáandi bresks húmors. Verð að ná fleirum svona þáttum.
Veit einhver hvort þessir þættir séu endursýndir einhvertíman?
þriðjudagur, apríl 19
Vor í lofti
Sólin var eitthvað að myndast við að glenna sig í dag. Var ekki laust við að manni fynndist votta fyrir vori í loftinu. Fátt annað en gott um það að segja. Nema þá helst að með vorinu koma próf. Þá mun maður loka sig inni nær samfleitt í um þrjár vikur. Væri fínt ef veðrið yrði svona fram að því. En ég ætla að vona að það verði ekki svona á meðan að á þeim tíma stendur. Mér hefur þótt nóg um þær sálarkvalir sem fylgja því að loka sig frá umheiminum þennan tíma. Að maður þurfi ekki að vera að því á meðan veðrið er eins og það er búið að vera í dag.
mánudagur, apríl 18
Ægin eila
Ég er gjarn á það þegar ég er að sinna einhverjum einföldum, "heilalausum", verkefnum að láta hugann reika um misasnalega mál. Í vinnunni í dag var ég einmitt að sinna slíku verki. Þá fór ég að hugsa um skemmtilegt mismæli sem ég heyrði um helgina. En það var einmitt Hafþór, sem oft er kenndur við smæð sína, sem sagði ægin eila þegar hann ætlaði sér að segja eigin æla. En það hefur löngum verið talin frekar ógeðfeldur dauðdagi, þegar fólk hefur lent í því að drukkna í eigin æli. Þetta hefur einkum, að mér hefur skilist, hent rokktónlistamenn, eins og t.d. Jimi Hendrix og John Bonham. Þá helst eftir að hafi neitt áfengis í óhóflegu magni. En í þessum vangaveltum mínum í dag fór ég að hugsa til þess hvort það væri ekki mun ógeðfeldari dauðdagi að drukkna í annars manns ælu.
sunnudagur, apríl 17
Vitlaust
Ég hef aldrei verið mikill bílakall, en ég hef nú reynt að sinna eins miklu og ég get sjálfur í bílnum mínum. Fór til Eyja um helgina til að stússast aðeins í bílnum. Var svo sem ekkert stórvægilegt, þurfti að skipta um bremsuklossa og láta umfelga. Og þar sem sumardekkin voru í Eyjum, þá þurfti ég að gera mér ferð þangað til þess að sinna því. Hafði reyndar afrekað það í vetur að skemma eitt sumardekkið þegar það sprakk hjá mér. Ég skellti mér því í Vöku í síðustu viku. Maðurinn sem afgreiddi mig spurði mig hver stærðin væri á felgunum hjá mér. En þegar ég sagði honum eins og var, að ég bara vissi það ekki, þá fór hann út í dyr og leita á bílinn og seldi mér svo 13" dekk. Sem var vitlaust, en ég komst ekki að því fyrr enn þegar verið var að umfelga hjá mér. En áður en ég fór í það, þá hafði ég einmitt verið að brasa við að skipta um bremsuklossa. Þá hafði ég keypti í Bílanaust, gaf þeim upp fastanúmerið á bílnum, svo þeir flettu upp í tölvunni hjá sér hvernig týpa af bíl þetta væri og allt. Flettu svo upp á hvernig klossa þyrfti á þannig bíl. Svo ég hélt nú að það ætti ekki að geta klikkað. En jú aðvitað klikkaði að, mér höfðu verið seldir kolvitlausir klossar. En það reddaðist svo sem, fann rétta gerð af klossum á birfreiðaverkstæði heima í Eyjum. En samt óneitanlega mjög pirrandi.
miðvikudagur, apríl 13
Pikköpp
Boggi birti um daginn á síðunni sinni topp tíu lista úr Sálu, blaði sálfræðinema, yfir pikköpplínur á sálfræðinema. Þetta er vel til fundið hjá Borgþóri. Nú getur maður mætt vel vopnum búinn næst þegar hann dregur mann með sér á tjútt hjá sálfræðinni. Enda hefur mér sýnst að þar séu nokkrar fýsilegar fýsur að finna. Gallinn við pikköpplínur er samt sá, að þegar ég lox hef mig til þess að reyna við stelpur, þá er ég orðinn svo drukkinn að það er vandkvæðum bundið fyrir mig að tala. Hvað þá að muna flóknar línur eins og "Þú ert greinireiti fyrir slefihegðun".
Úrslit fyrstu könnunarinnar komin í hús
Í fyrstu könnuninni sem ég setti upp spurði ég hverra spurningar að ég ætti að varpa fram í fyrstu könnuninni. En flestir, eða 45%, bentu réttilega á að þeir væru að svara fyrstu könnuninni. Annars voru úrslit þessarar könnunar sem hér segir.
Hvert er uppáhalds liðið þitt í Enska
0 atkvæði 0%
Hver er uppáhalds liturinn þinn
1 atkvæði 5%
Hver er munurinn á RNA og DNA
5 atkvæði 23%
Hver er uppáhalds bjórinn þinn
6 atkvæði 27%
Þetta er fyrsta spurningin sem ég er að svara fíflið þitt
10 atkvæði 45%
mánudagur, apríl 11
Martröð
Fékk martröð um daginn (jaaa eða nóttina öllu heldur). Mig dreymdi að það væri búið að breyta próftöflunni minni þannig að ég færi í próf tvo daga í röð. Mikið var ég nú feginn þegar ég vaknaði og áttaði mig á því að þetta hefði aðeins verið draumur. Þá sit ég bara uppi með þá martröð að ég er ekkert búinn að læra alla önnina. Og frá þeirri staðreynd get ég því miður ekki vaknað. Það er meira í því að koma í veg fyrir að ég geti sofnað.
sunnudagur, apríl 10
Monty Python
Ég hringdi í bróðir minn í dag og sagði honum hvað ég ætlaði að láta hann gefa mér í afmælisgjöf. Sá nefnilega að BT voru að auglýsa allar 4 Monty Python myndirnar á DVD í einum pakka. Fór áðan einmitt og varð mér úti um það. Renndi við í leiðinni hjá Sigurði. Eftir að ég hafði setið þar um stund, var barið að dyrum. Þar reyndist vera á ferðinni enginn annar en skemmtara-fanturinn sjálfur, Þórir Ólafsson. Hann hafði þá gengið heiman frá sér og til Sigurðar, sem eins og kunnugum ætti að vera ljóst, er dágóður spotti. En hann hafði einmitt skilið eftir bæði bíl sinn og síma heima hjá mér í gærkvöld. En þar sem bæði Sigurður og Þórir höfðu skilið bíla sína eftir heima hjá mér, slógust þeir í för með mér þegar ég fór í Grafarvoginn. Með við komu á KFC. Svo var bara legið yfir KFC og Python fram eftir kvöldi. Fínasta þynku-samkoma það.
laugardagur, apríl 9
24
Í dag er ég 24 ára gamall. Blóm og kransar vinsamlegast afþakkaðir. En þeir sem vilja sína mér samúð á þessum erfiðu tímum er bent á að veita mér áfengi.
Í tilefni af þessum tímamótum ætla ég að drekka mig ofurölvi í kvöld. Þið ykkar sem viljið kasta á mig kveðju af þessu tilefni getið ábyggilega hitt á mig veltandi niðri í bæ. Get þó ekki lofað að mun kveðjurnar, því minnisleysi á það einhverra hluta til að sækja á mig þegar ég er í þessu ástandi. Því vil ég benda ykkur á að afhenda mér heldur skriflegar kveðjur, ef þið viljið vera viss um að þær komist til skila.
Lifið heil
fimmtudagur, apríl 7
Ribbaldar á ferð
Var heldur seinn fyrir í vinnuna í morgun. Mætti ekki fyrr enn tæpum 10 mínútum of seint. Fyrsta sem ég sá var lögreglubíll fyrir utan dyr smiðjunnar. Það olli mér þó nokkru hugarángri hvað laganna verðir væru að vilja þangað. En það hugarángur entist þó ekki lengi, því þegar ég steig inn þá leyndi sér ekki að óprúttnir aðilar höfðu brotist þar inn í nótt. Þó nokkurra hluta var saknað, þar ber helst að telja þrjár rafsuður, einhverja 7 - 8 slípirokka og forláta smergel. En það sem okkur þótti einna sárast var að þessir ribbaldar gerðust svo ósvífnir að hafa á brott með sér heila pakkningu af klósettpappír og kaffi pakka. En til allar hamingju, þá fannst ein rúlla inni í geymslu. Ekki það að hennar hafi verið þörf í dag, en ekki vill maður nú hætta á það. Svo er ég líka búinn að gráta stórum og miklum tárum yfir því að þeir stálu nýju fínu vinnu hönskunum mínum.
Læti í Rimunum
Ekkert lítið sem gekk á hérna í hverfinu í gær (ehhh, eða í fyrradag, þetta er víst skrifað eftir miðnætti). Þið ykkar sem hafið séð einhverjar fréttir hafið væntanlega orðið vör við umfjöllun um brunann í Rósarimanum, þar sem gaskúturinn sprakk. Brot úr honum þeyttist víst í húsið á móti, veggurinn sem kúturinn stóð við gekk úr skorðum og maður í húsinu á móti fauk um koll við sprenginguna. Þetta allt átti sér stað í ekki nema ca. 300 metra fjarlægð frá húsinu mínu. Ég reyndar var í vinnu, og varð því ekkert var við herlegheitin, nema hvað að maður fékk að fylgjast með hersingu lögreglu-, sjúkra- og slökkvuliðsbíla á leið sinni í Grafarvoginn. Hinsvegar var minn hundtryggi meðlegjandi, hann Kolbeinn, heima sofandi. Og svaf bara værum svefni í gegnum þetta allt saman. Vissi ekkert af þessu fyrr enn ég hóaði í hann og benti honum á fréttamyndirnar í kvöldfréttunum af hverfinu okkar.
En eins og skáldið sagði nú víst einhvertíman "Oft verða menn þreyttir, en stundum alltaf".
mánudagur, apríl 4
Hvað er að ??
Ég var fyrir löngu búinn að átta mig á því að þessi maður væri ekkert sérstaklega greindur. En ég get samt ekki neitað því að þetta kom mér virkilega á óvart. Ég meina hvað er að !! Halda menn virkilega að það sé hægt að réttlæta hvað sem er með því að vera að skrifa bók? Maður á náttúrulega ekkert að vera láta svona koma sér á óvart, enda sýndi hann það á þeim tíma sem hann eydda á ritstjórn DV að hann hefur ekki sömu siðferðislegu vitund og hinn almenni Íslendingur.
föstudagur, apríl 1
Tittlingur
Var að velta því fyrir mér hvort það væri nokkuð vísbending um meðal-lima-stærð landans, að við notum sama orð yfir getnaðarlim karlmanna og smáfugla.
Ég
er fæddur í Eyjum 1981
hef búið í Eyjum nær alla ævi
bý núna í Reykjavík
vinn sem möppudýr í smiðju í Garðabæ
er flokksbundinn Sjálfstæðismaður
veit ekki hvað ég get sagt fleira um sjálfan mig
býð þig hjartanlega velkominn á síðuna
e-Póstur
msn
Lesist á eigin ábyrgð
Blogg-óði maðurinn
Blogg-óða konan
Blogg-óði faðirinn
Þessi flúði land
Passið ykkur á þessum
Síra
Sýra
njé-2
Þessi kom á Þjóðhátíð
Oft gaman að þessum
Þessi er rokk-fróður
Þessi hefur áhuga á listum
Þessi kann að segja sögur
Þessi fær aldrei notið steríós
Þessi stuðlar að fjölgun mannkyns
Þessi ætlar að laga í mér lifrina
Þessi fór til Spáns
Þessi á dýptarmæli
Þessi fílar Bubba óhóflega mikið
Þessi styður Newcastle United
Þessi er mikið fyrir murtuna
Þessi stúderar í Danaveldi
Þessi er í Breskum leikskóla
Þessi kann á rússneskar bongótrommur
Þessi fann Jesúm
Þessi biður að heilsa
Þessi stjórnar bæ
Þessi kann að jóðla
Þessi valdi Hellisey
Foster's Blog
Foster's Net
VKB's Blog
Þetta skoða ég
Fréttir
Mogginn
Vísir
eyjar.net
Háskólinn
VKB
Dalurinn
Ægisdyr
Eyjabloggarar
B2.is
Google
Heimabankinn
Dagskráin
Árgangur '81
Leikjanet
Uncyclopedia
Encyclopedia
KÉSHÁM (NBA)
Öll tónlist
Eyverjar
IMDb
TV.com
YouTube
Reykjavík FM
Gamalt og mis gott
mars 2004
apríl 2004
maí 2004
júní 2004
júlí 2004
ágúst 2004
september 2004
október 2004
nóvember 2004
desember 2004
janúar 2005
febrúar 2005
mars 2005
apríl 2005
maí 2005
júní 2005
júlí 2005
ágúst 2005
september 2005
október 2005
nóvember 2005
desember 2005
janúar 2006
febrúar 2006
mars 2006
apríl 2006
maí 2006
júní 2006
júlí 2006
ágúst 2006
september 2006
október 2006
nóvember 2006
desember 2006
janúar 2007
febrúar 2007
mars 2007
apríl 2007
maí 2007
júní 2007
júlí 2007
ágúst 2007
september 2007
október 2007
nóvember 2007
desember 2007
janúar 2008
febrúar 2008
mars 2008
apríl 2008
maí 2008
júní 2008
júlí 2008
ágúst 2008
september 2008
október 2008
nóvember 2008
desember 2008
janúar 2009
Þakkir fá
blogskins
Main Site
Powered by TagBoard Message Board
