þriðjudagur, maí 31
Náð
Eitthvað virðist ég vera búinn að linast í blogginu eftir að ég fluttist aftur til Eyja yfir sumarið. Ekki frá því að það sé vegna slakrar nettengingar. Svo er ég heldur ekkert í stuði fyrir eitthvað netvafur á kvöldin eftir vinnu, allavega meðan svona mikið er að gera hjá manni. Það gæti hæglega breyst eftir helgi, ef fer að draga úr þessu hjá manni, eins og útlit er nú fyrir.
En skítt með það. Þá náði ég öllum prófum sem ég fór í þessa önnina, jaaa eða báðu réttar sagt. Fór ekki í nema tvö próf að þessu sinni, var að vinna á fullu nær alla önnina, svo ég eiginlega treysti mér ekki í fleiri. En þetta er þó allavega önnur önnin í röð þar sem ég næ öllum þeim prófum sem ég fer í, þó þau kunni að hafa verið frekar fá. Sýnir manni kannski bara að það borgi sig að sníða stakk eftir vexti. Spurning samt hvort ég gæti ekki ráðið við að taka fleiri próf ef ég lærði eitthvað yfir önnina.
föstudagur, maí 27
VKB
Fyrsti formlegi VKB fundur þessa árs fór fram í gærkvöld. Ekki seinna vænna, enda rétt rúm vika í aðalfund. Það var mikið skrafað á þessum fund, eins og venjulega. Þó að mætingin hafi verið heldur döpur. En þar sem margir meðlima eru annað hvort staddir á höfuðborgarsvæðinu eða á sjó, er lítið við því að gera. Bara að láta sig hlakka til þess að við hittumst allir, eða í það minnsta flestir, á aðalfundinum. Það barst mótframboð gegn mér í sæti forseta fyrir næsta ár á þessum fundi. Og var það enginn annar en Gunnara Már Kristjánsson sem ætlar þetta árið að leggja í þann slaginn. Hann var eitthvað að biðla eftir kosninga stjórum áfundinum. Byrjaði á að leita til Sigurðar, sem frábað sér það með öllu. En ég held að Þórir hafi tekið það að sér. Honum virðist eitthvað vera í nöp við það að ég skuli sitja á forsetastóli innan félagsins. Leiddi meðal annars kosninga baráttu Kolbeins gegn mér fyrir síðasta aðalfund. Sem ég gjör sigarði svo með öllu, að Kolbeinn kaus sig ekki einu sinni sjálfur. En kosningastjórinn minn frá því í fyrra er þessa dagana staddur einhver staðar úti í ballar hafi að reyna að skrapa síld upp í Sigurð VE. Svo ég verð bara að bíða þar til hann skilar sér í land. Og vona að ég sé ekki full kokhraustur að ætla það að úrslit kosninganna frá því í fyrra sanni að ég hafi ákveðið forskot á mótframbjóðandann.
Svo í lokin vil ég bara minna þá VKB meðlimi sem lesa þetta á að greiða árgjaldið. Það er kr. 5.000, sem eiga að greiðast inn á reikning 1167-26-2273 kennitala 700603-5980. Gott er ef þið látið nafn eða kennitölu fylgja með sem skýringu, svo auðveldara sé að fylgjast með hverjir séu búnir að borga.
mánudagur, maí 23
Helgi
Það var gaman um helgina. Var reyndar að vinna á laugardeginum, svo ég var bara rólegur á föstudeginum, ólíkt flestum minna félaga. Það var náttúrulega slegið upp Eurovision-partýi. Hafþór hinn smærri tók það að sér. En eins og venjan hefur verið í flestum Eurovision-partýum sem ég hef sótt. Þá var skrúfað niður í hljóðinu þegar líða tók á keppnina. Svo endaði með því að við misstum flestir endanlega allan huga á þessu. En söng atriðum var þó ekki þar með lokið. Því einhverjir tóku að sér að skemmta öðrum gestum með því að singja í Singstar. Mig kítlaði í puttana að láta reyna á nýja fína símann minn og mynda þessi herlegheit. En það kom í ljós að þó svo að ljósmyndirniar séu þolanlegar úr þessu tæki, þá er þetta ekki góð vídeó-kamera. Eins og þið getið séð af þessu.
laugardagur, maí 21
Evróvissjon
Ég þoli ekki þegar fólk segir evróvissjon þegar það er að tala um Eurovision. Mér finnst svo asnalegt að þýða helminginn af orðinu. Annaðhvort þýðiru orðið, eða sleppir því.
miðvikudagur, maí 18
Kominn til Eyja
Fannst ég eiginlega þurfa að blogga eitthvað, svo langt um liðið síðan síðast. Hef svo sem lítið að segja, nenni heldur eiginlega ekkert að vera að blogga. En jú, ég er á lífi. Mér hefur bara ekki gefist tími til þess að blogga fyrr enn nú. Því auk þess sem ég var orðinn samabandslaus við internetið undirlokin í Mosarimanum. Þá er ég búinn að vera upptekinn við að vera fullur, þunnur, að flytja eða í vinnu. Mætti beint í vinnu í morgun eftir að hafa komið á Eyjuna með seinniferð Herjólfs í gærkvöldi. Fínt, allt vitlaust að gera í Skipalyftunni eins og er, bara vonandi að það haldist þannig út sumarið. Má samt ekki vera svo mikið að maður geti ekki fengið frí, verð allavega að komast út í eyju í lunda í sumar. Var reyndar farið í fyrstu ferð sumarsins út í Brand áðan, að ganga frá bandinu og kíkja eftir fýlseggjum. En ég frétti ekki af því nema með svo stuttum fyrirvara að ég fór ekki með. Svo langaði mig líka á gangnafundinn upp í Höll í kvöld. En fann svo engann sem nennti með mér.
Þetta er nú orðið ansilangt blogg fyrir mann sem nennti ekki að blogga. Svo ég læt þetta gott heita og bið ykkur vel að lifa.
föstudagur, maí 13
Húrra
Á mitt síðasta próf á þessum vetri í fyrramálið. Er að ljúka síðustu yfirferð kvöldsins yfir námsefnið, áður en ég kem mér af stað heim í háttinn. Svo er það bara snemma á fætur í fyrramálið, líta aðeins betur yfir efnið og að klára sig af þessu prófi svo. Síðan verður sko tekið ærlega á því í glasalyftingum og öðrum gleðikúnstum. Hef ekki drukkið áfengan dropa síðan við félagarnir gerðum víðreist og máluðum Búðardal og næsta nágreni rautt. Svo ég held það sé nú heldur betur kominn tími til að teka vel á því. Ekki sakar nú tilefnið heldur. Því þó svo að ég hafi bara þreytt tvö próf þessa prófatörn, þá eru próflok alltaf ærin ástæða til að skála. Ekki hvað síst þegar maður hefur ekki látið eftir sér að eiga neitt líf á meðan að á henni stóð.
Og til að koma ykkur í sama gír og ég stefni á að vera í um þetta leiti á morgun, ætla ég að leyfa ykkur að hlusta á þetta líka skemmtilega lagið.
miðvikudagur, maí 11
Þjóðhátíð
Nú þegar þessu skólaári fer senn að ljúka, og maður er farinn að átta sig á því að það eru ekki nema 79 dagar í Þjóðhátíð, er ekki laust við að maður sé farinn að finna fyrir sæmilegum spenningi. Þetta er náttúrulega einhver besta skemmtun sem fyrir finnst, og engu lík. Og erum við Eyjamenn mjög stoltir af þessari merku hátíð okkar, og eigum það til að básúna um ágæti hennar hvar sem við komum. Eins er maður allataf forvitinn að heyra skoðanir annara á Þjóðhátíðinni. Því rann á mig sælu svipur þegar ég var að keyra í skólann í morgun og heyrði að þeir félagar Andri og Búi í morgunþætti X-fm væru að spreyta sig að því að semja týpískt Þjóðhátíðarlag. Ég kom reyndar bara inn í mitt lag. Andri líkti þessu nú helst við stórt og mjög dýrt sveitaball sem fólk væri bara vitlaust að láta vera að hafa sig út í að fara á. Sem allir sem kunna að skemmta sér á Þjóðhátíð vita mæta vel að er tóm della. Þeir einblíndu mest á neikvæðar hliðar hátíðarinnar, sem maður á nú von á þegar verið er að gera grín að henni. Þá helst hluti sem hinn almenni Eyjamaður getur nú lítið gert í svo sem að það sé alltaf rok og rigning á Þjóðhátíð (sem er vitaskuld bara þjóðsaga) og nauðganir ,sem er nú einhver sorglegsti fylgikvill svona stórra skemmtana, en á sér því miður alltof oft stað á þeim, eins og um næri því hverja helgi hér í Reykjavík. En hinsvegar kom Búi inn á einn punkt sem er mikið lýti á þesari annars frábæru hátíð okkar Eyjaskeggja, sem Eyjamenn margir hverjir (kannski helst þó þeir sem eru í veitingarekstri) geta komið í betra horf, þegar hann söng eitthvað á þessa leið: "Þá fer ég niður í bæ, á Pizza 67 og fæ mér pizzu sem kostar 9827". Það eru það margir sem einhverra hluta vegna vilja endilega níða Þjóðhátíð. Að okkur sem viljum sjá veg hennar sem mestan þykir sárgrætilegt að Eyjamenn skuli margir hverjir auðvelta níðingshátt þeirra með því að keyra upp verðið á vöru og þjónustu yfir þennan annars yndislega tíma.
þriðjudagur, maí 10
Góðar fréttir, slæmar fréttir og góðar fréttir
Fyrst að góðu fréttunum. Var í prófi í gær í Líkindareikningi og tölfræði, gekk bara alveg þolanlega, og reikna eiginlega frekar með að ná þessu. Sem er gott því ég nenni ekki að þurfa að fara í þetta í þriðjaskiptið.
En slæmu fréttirnar eru þær, að þegar ég hringdi í Hannes eftir próf, því við ætluðum að fara saman að fá okkur eitthvað að éta. Þá heyrði ég ekkert í kauð, gerði ýmsar æfingar með símann, en fékk hann ekki til þess að virka. Brunaði því bara út í Garðabæ til hans. Þar greip ég til þess eina ráðs sem ég kann til þess að laga raftæki. Barði símanum í borðið nokkru sinnum. Fékk hann þá til þess að virka, en hann hefur samt verið með einhver leiðindi síðan. Að drepa á sér upp úr þurru og halda því fram að batteríið sé að verða búið þótt það sé nóg inni á því og eitthvað. Svo hann virðist vera við það að gefa upp öndina eftir viðburða ríka ævi um þriggja vetra skeið.
Svo að góðu fréttunum, en þær eru að foreldrar mínir eiga enn eftir að gefa mér afmælisgjöf. Ætluðu að gefa mér eitthvað fatarkyns, en ég átti að sjá um að velja það og verzla sjálfur. En þar sem mér leiðist fátt meira enn að skoða og kaupa föt, þá hefur ekkert orðið af því enn. Þau samþykktu því að gefa mér í það minnsta eitthvað upp í kaupverðið á nýjum síma. Er aðeins búinn að vera að skoða þetta, og gott ef þessi verði ekki bara fyrir valinu. Fer jafnvel í að redda þessu bara núna á eftir.
laugardagur, maí 7
laugardagur, maí 7
Þá er maður loxins kominn almennilega í prófgírinn. Bara skít hræddur um að það sé full seint. En betra seint en aldrei sagði einhver víst (hef trú á að upphafsmaður þess máltækis hafi verið óstundvís). Áttaði mig á því að ég væri kominn í alvöru prófgír þegar ég fór gjörsamlega að missa tilfinninguna fyrir því hvaða vikudagur væri. Það er nefnilega þannig að þegar maður er í prófum, þá hættir maður að hugsa í vikudögum og fer að hugsa í dagsetningum og dagafjölda. Það er hvaða mánaðardag maður á próf og hversu marga daga maður hefur á milli prófa. Hef eiginlega ekki orðið neitt var við það að það sé laugardagur í dag. Var mættur hingað í VR-II klukkan að verða 9 í morgun og hef rétt aðeins skroppið út til þess að nærast tvisvar í dag. Þó það komi af og til einhverjir punktar sem minna mann á að það sé laugadagur. Sárastur þeirra þótti mér þegar ég var að keyra heim áðan til að fá mér í goggin og heyrði auglýsingu á X-fm þess efnis að Jet Black Joe væru að spila á Gauknum í kvöld. Djöfull að þurfa að missa af því.
Hugsaði með mér þegar ég heyrði þetta Þetta þurfti ég sko ekki að fá að vita
fimmtudagur, maí 5
Spjallað yfir Atlantsálinn
Enn gegnur lærdómurinn janf "vel" fyrir sig. Var mættur hingað á bókasafnið í VR-II um 9 í morgun. Sá þá að Guðmundur Ameríkumíla var skráður inn á MSN, sem mér þótti afar undarlegt, því þá var klukkan um 5 að morgni hjá honum. Svo ég ákvað nú að kasta kveðju á hann. En þá komst ég að raun um að þetta var ekki hann heldur kvinna hans, hún Lindsey. Hún hafði átt eitthvað erfitt um svefn, og tók því fegins hendi að einhver skildi reyna að tala við Gumma. Greip tækifærið, og fór að spjalla við, mig. Það spjall stendur enn yfir þegar þessi orð eru skrifuð. En ég er búinn að bæta Murtu-Bjössa greyinu inn í það. Sem er svo sem ágætt, þar sem ég þarf eiginlega að fara að hætta þessu blaðri. Til að reyna að nærast eitthvað. Þá ætti Sigurður að geta tekið við. Sýnist hann reyndar vera frekar feiminn við að tjá sig á ensku. Synd, því ég er búinn að fá hana til þessa að segja mér ýmislegt misjafnt um Guðmund. Sem og ég er búinn að deila nokkrum sögum með henni.
Held að Guðmundur eigi eftir að vakna í óvenju góðu skapi þennan morguninn.
miðvikudagur, maí 4
Lífið á göngum VR-II
Þá er maður sennilega loxins kominn á beinubrautina varðandi próflærdóminn. Við erum sest að hér á bókasafninun á VR-II félagarnir, ég og fartalvan. Þar sem við eigum væntanlega eftir að eyða nær öllum okkar tíma komandi daga. Þó svo að maður gefi sér nú sennilega smá frí í kvöld til þess að horfa á America's next top model. Það er nú það langt í próf enn þá.
Ég varð að byrja á því að athuga hvort ég kæm þesari elsku ekki í samband við þráðlausa netið hérna uppi í Háskóla. Það gekk greinilega, svo vesenið sem ég hef átt í við að nettengjast í Mosarimanum virðist liggja í adsl-inu, en ekki tölvunni. En ætlunin er samt ekki að stoppa jafn lengi hér í viðjum alnetsins eins og í gær. Því ég kom engu í verk eftir að ég gaf mér "smá" tíma til þess að vafra. Er endanlega búinn að gefast upp á því að læra heima. Ætti svo sem að vera löngu búinn að átta mig á því að það gangi ekki. Því eins og Oscar Wild sagði á sínum tíma, þá get ég staðist allt nema freistingar.
Verst að ég var búinn að gleyma hvað maður þarf að nostra við þessa elsku. Það er sérstök "seremónía" sem maður þarf að fylgja til þess að geta notað heyrnatól við hana. Ég þarf því að endurræsa hana ef ég ætla að geta hlustað á þessi fáu lög sem ég á inni á henni, án þess að gera alla hérna á bókasafninu óða. En það ætti ekki að taka mig nema svona um það bil 15 mínútur að endurræsa þetta fornaldartæki mitt.
En jæja best að drífa í því, svo maður komi nú einhverju í verk áður en að America's next top model byrjar í kvöld.
þriðjudagur, maí 3
Lærdómur og leyndardómur lífsins
Þá er maður loxins byrjaður að læra. Gengur svo sem ekki betur en þetta, strax sestur við tölvuna. En batnadi manni er best að lifa. Drattaðist fram úr um 9 í morgun og fékk mér eitthvað smáveigis í svanginn. Skreið svo upp í aftur og hófst handa við lesturinn. Skil reyndar sáralítið í þessu glósum sem ég er að reyna að staulast fram úr. Ætti samt að skila sér allt þegar ég fer að renna í gegnum það sem ég reiknaði í prófundirbúningnum í fyrra. Óþarfi svo sem að fara að stressa sig á þessu strax, er nú tæp vika í prófið enn þá.
En nú situr maður uppi með vandasamt verk. Að ákveða hvorn leikinn að maður eigi að horfa á í kvöld. ÍBV vs. Hauka eða Liverpool vs. Chelsea. Langar til þess að sjá báða leikina. Svona getur nú lífið verið flókið stundum. En ætli ÍBV-hjartað hafi ekki yfirhöndina og maður horfi á handboltann frekar. Þá losnar maður líka við að troða sér inn á einhvern pöbb til að fylgjast með þessu. Þægilegt að geta legið upp í sófa heima hjá sér bara, og látið það nægja að fylgjast með stöðunni í meistaradeildinni í gegnum textavarpið.
Síða vikunnar er svo þessi. Njótið vel.
sunnudagur, maí 1
Humar að kveldi
Ætlaði mér að byrja að læra í gær. En gerði það ekki. Merkilegt. Hringdi í Þóri fljótlega eftir að ég drattaðist fram úr, og við ákváðum að kíkja heim til Bogga og horfa á leikinn. En Boggi var ekki heima, svo við fórum bara til Láru. Sem er reyndar sami staðurinn. En Boggi ræfillinn skilaði sér svo fljótlega. Að leik loknum var svo farið í að fíra upp grillið meðan reynt var að rifja upp helstu afrek síðustu helgar. Þegar allir voru orðnir mettir, og umframbirgðir af humri fylltu enn borð. Settumst við félagarnir við tölvuna hjá Bogga og reyndum að sanna fyrir okkur okkar eigin gáfur í ýmsum leikjum á netinu, eins og t.d. þessum, fram til að verða 4 í nótt. Merkilegt að við skulum hafa getað gert eitthvað saman sem entist svona lengi á laugardagskvöld, án þess að í því fælist að neita áfengis. Löggæslumönnum borgarinnar þótti það í það minnsta eitthvað grunsamlegt. Enda var ég stöðvaður á heimleiðinni, reyndar í því yfirskini að ég væri með bilað aftur ljós. En mér þótti það augljóst að þeim þótti ólíklegt að ég væri í ökuhæfu ástandi á þessum tíma laugardagsnætur. En það svo sem leyndi sér ekki, að ég var allir hinn spakasti. Og átti þarna létt spjall við laganavörð. Sem kvaddi svo með virktum, og minntist ekki einu orði á að ég skildi ekki vera vafinn í öryggisbelti.
Ég
er fæddur í Eyjum 1981
hef búið í Eyjum nær alla ævi
bý núna í Reykjavík
vinn sem möppudýr í smiðju í Garðabæ
er flokksbundinn Sjálfstæðismaður
veit ekki hvað ég get sagt fleira um sjálfan mig
býð þig hjartanlega velkominn á síðuna
e-Póstur
msn
Lesist á eigin ábyrgð
Blogg-óði maðurinn
Blogg-óða konan
Blogg-óði faðirinn
Þessi flúði land
Passið ykkur á þessum
Síra
Sýra
njé-2
Þessi kom á Þjóðhátíð
Oft gaman að þessum
Þessi er rokk-fróður
Þessi hefur áhuga á listum
Þessi kann að segja sögur
Þessi fær aldrei notið steríós
Þessi stuðlar að fjölgun mannkyns
Þessi ætlar að laga í mér lifrina
Þessi fór til Spáns
Þessi á dýptarmæli
Þessi fílar Bubba óhóflega mikið
Þessi styður Newcastle United
Þessi er mikið fyrir murtuna
Þessi stúderar í Danaveldi
Þessi er í Breskum leikskóla
Þessi kann á rússneskar bongótrommur
Þessi fann Jesúm
Þessi biður að heilsa
Þessi stjórnar bæ
Þessi kann að jóðla
Þessi valdi Hellisey
Foster's Blog
Foster's Net
VKB's Blog
Þetta skoða ég
Fréttir
Mogginn
Vísir
eyjar.net
Háskólinn
VKB
Dalurinn
Ægisdyr
Eyjabloggarar
B2.is
Google
Heimabankinn
Dagskráin
Árgangur '81
Leikjanet
Uncyclopedia
Encyclopedia
KÉSHÁM (NBA)
Öll tónlist
Eyverjar
IMDb
TV.com
YouTube
Reykjavík FM
Gamalt og mis gott
mars 2004
apríl 2004
maí 2004
júní 2004
júlí 2004
ágúst 2004
september 2004
október 2004
nóvember 2004
desember 2004
janúar 2005
febrúar 2005
mars 2005
apríl 2005
maí 2005
júní 2005
júlí 2005
ágúst 2005
september 2005
október 2005
nóvember 2005
desember 2005
janúar 2006
febrúar 2006
mars 2006
apríl 2006
maí 2006
júní 2006
júlí 2006
ágúst 2006
september 2006
október 2006
nóvember 2006
desember 2006
janúar 2007
febrúar 2007
mars 2007
apríl 2007
maí 2007
júní 2007
júlí 2007
ágúst 2007
september 2007
október 2007
nóvember 2007
desember 2007
janúar 2008
febrúar 2008
mars 2008
apríl 2008
maí 2008
júní 2008
júlí 2008
ágúst 2008
september 2008
október 2008
nóvember 2008
desember 2008
janúar 2009
Þakkir fá
blogskins
Main Site
Powered by TagBoard Message Board
