Topp græjur
Ég er búinn að uppgötva snilldar þætti á Skjá 1. Þótt ég hafi aldrei verið neinn áhugamaður um bíla, þá féll ég alveg killi flatur fyrir Top Gear. Hef svo sem alltaf verið veikur fyrir skemmtilgu fræðsluefni í sjónvarpi, og þessir þættir eru náttúrulega nokkuð fræðandi. Svo eru þessir þáttastjórnendur líka heljarinnar húmoristar, og þræl gaman af þeim alveg. Hugmyndirnar sem þeir fá eru líka algjör snilld, svo er myndatakan líka á köflum alveg mögnuð. Sem kristallaðist í þættinum sem var áðan, þeir komu með þrjá mismunadi blægjubíla hingað til Íslands að prófa þá og bera saman. Voru rosalega flottar myndir af landslaginu, og þeir lofsungu landið og náttúrufegurðina út í eitt, hrósuðu meira að segja Víking gylltum. Sennilega ein besta landkynning sem ég hef séð, ekki laust við að manns litta íslenska hjarta hafi slegið óvenju stolt þarna um tíma. Líka gaman að sjá landið aðeins svona frá sjónarhorni utanaðkomandi manna. Ef þú, lesandi góður, misstir af þessum þætti (sem er alls ekki ólíklegt því þeir eru sýndir á hreint fáránlegum tíma) þá mæli ég eindregið með því að þú reynir að sjá hann í endursýningu. Þessir þættir eru, ef ég man rétt, endursýndir í lok dagskrár á fimmtudögum, og örugglega oftar, fyrst þetta er á Skjá 1.En að lokum smá hérna í tilefni af því að það sé bolludagurinn á morgun.
Skipið í fyrramálið
Þá er þessari Vestmannaeyjareisu alveg í þann veginn að ljúka. Er svo sem lítið búinn að gera annað en að flatmaga heima hjá mömmu og pabba þennan tíma. Lét reyndar plata mig aðeins út strax og ég skreið á skerið á föstudagskvöldið. Hafði rekist á Leó Snæ á MSN fyrr um daginn. Kíkti í heimsókn til hans um kvöldið. Sem endaði náttúrulega með sötri, eins og von er á þegar tveir þetta votir menn koma saman. Það endaði auðvitað með að kíkt var á Drífandabar sem endaði náttúrulega með að væri kíkt á Lundann. Enda í leiðinni heim. Var frekar fámennt á djamminu þessa helgi, enda sennilega um hálfur bærinn á vertíð. Það þótti mér bara afar góð tilbreyting frá örtröðinni í borginni. Held ég sé að verða búinn að eyða alltof miklum tíma í Reykjavík, þegar það er orðin tilbreyting fyrir mann að fara á djammið á hálftómum Lunda. Maður sem var kominn í æfingarhópinn með landsliðinu á sínum tíma.En jæja, rétt að fara að finna sig til fyrir skipið í fyrramálið. Bæ.
Deifð
Voðaleg deifð eitthvað búin að vera yfir kommentunum við bloggið mitt undanfarið. Hlýta vera farinn að blogga um svona óháhugavert efni. Er að íhuga að byrja að blogga um kúk eins og trillukallinn. Held samt ég sleppi því. Að minnsta kosti í þetta skiptið. Þarf að fara að gera mig tilbúinn í Herjólf. Er á leiðinni heim til Eyja um helgina, og jafnvel ögn lengur, í fyrsta skipti frá því ég fluttist aftur hingað í borgina eftir jólin.
Bæ.
Af samgöngumálum
Þá virðist það vera orðið ljóst að ferjulægi í Bakkafjöru verður fyrsti kosturinn í framtíðar samgöngum milli lands og Eyja í augum samgönguyfirvalda. Verð samt að viðurkenna að mér þykja þessar kostnaðratölur, sem lekið hefur verið í Vestmannaeysku fjölmiðlana í dag, svolítið undarlegar. Hef svo sem engan grundvöll til þess að vera að draga þær sem slíkar eitthvað í efa, en engu að síður þá þykir mér það svolítið undarlegt að það skuli ekki vera tekið inn í umræðuna rekstrarkostnaður við þessa nýju ferju og þetta ferjulægi. Í það minnsta, þá kostar reksturinn á Herjólfi ríkissjóð rúmlega hálfan milljarð á ári eins og þetta er í dag. Auk þess sem Þorlákshafnarbær sér náttúrulega um allan rekstur og viðhald á höfninni í Þorlákshöfn.Gæti svo sem verið að þetta væru bara særindi í mér yfir að horfa á meðan þeim kosti sem hefur í mínum augum verið númer eitt í samgöngumálum Vestmannaeyja er sópað af borðinu, þ.e. göng. En maður verður víst að sætta sig við það. Það breytir þó ekki því að ég vil fá ákveðin svör við því hvort hætta sé á að það verði algerleg ófært á milli lands og Eyja oftar en nú er. Því mynni þessa nýja ferjulægis verður náttúrulega fyrir opnu hafi. En ég er persónulega þeirra skoðunar, að kostur sem þýðir mikla aukningu á dögum þar sem ófært er bæði í lofti og á legi sé ekki ásættanlegur. Það gerist bara það oft að maður hreinlega verður að komast upp á land ef maður er í Eyjum, hvort sem það sé til að komast til sérfræðilæknis eða í jarðarför eða annað sem maður annað hvort getur ekki, eða vill ekki sleppa.
En það verður víst bara að koma í ljós. Ég ætla þó að vona að þetta verði ekki keyrt það hratt í gegn, vegna þess að fólk sé orðið of þreytt á að bíða eftir úrbótum á samgöngumálum, að það verði látið liggja á milli hluta að láta athuga almennilega hvort þetta þýði aukningu á samgöngulausum dögum milli lands og Eyja.
1 2 Selfoss
Gleymdi bílnum á Selfossi í gær. Gleymdi honum reyndar ekki, var ekki beint í ökuhæfu ástandi þegar ég lagði af stað aftur til Reykjavíkur. Fannst bara fyndnara að segjast hafa gleymt bílnum. Og já ég veit ég er með ömurlegan húmor.
En já, hvað var ég að gera á Selfossi. Ég fór nefnilega á fund í gær. Reyndar ekki á Selfossi, en á Stokkseyri. Vorum að ganga frá stofnun Kjördæmasamtaka ungra Sjálfstæðismanna í suðurkjördæmi (KUSS). Fundurinn var haldinn á Draugasetrinu á Stokkseyrir. Eftir fundinn fórum við í gegnum Draugasetrið, og ég verð bara að segja að þetta var hin fínasta skemmtun. Mæli eindregið með þessu. Væri til í að fara þarna í gegn með Sigga Birni og Haffa littla. Eftir það var okkur svo boðið upp á öl og röllt með okkur í gegn þar sem verið er að byrja að ganga frá trölla, álfa og norðurljósa safni í sama húsi. Verður án nokkurs vafa virkilega flott hjá þeim, og eitthvað sem maður þarf endilega að gera sér ferð til þess að skoða þegar það verður komið í gagnið. Þá var haldið í mat á Selfossi, þar sem ég þakkaði fyrir að þekkja sem fæsta þarna af nokkru ráði, því keppst var við að segja sem svæsnasta sögur af hverjum öðrum. En inn á milli saganna gafst tími fyrir alvarlegar umræður. Þar sem meðal annars spunnust miklar umræður um stöðu leðurgagnkynhneigðra í samfélaginu. Sem okkur þótti afar afskiptur hópur. Stendur jafnvel til að stofna hagsmunasamtök leðurgagnkynhneigðra til að reyna að vega upp á móti allri umræðunni sem leðurhommar fá.
Því næst var okkur boið í smá skemmtun á vegum Hersis félags ungra Sjálfstæðismanna á Selfossi. Þar rann en meiri bjór, sem var einmitt orsök þess að bíllinn varð eftir á Selfossi. Lukkulegt að bú hérna á Stúdentagörðunum þá, ekki hefði ég gengið í skólann ef ég byggi enn í Grafarvoginum
Bjúgupasta, kosningar og lag
Bauð Sindra í gær í bjúgupasta. Hann lét í það minnsta sem honum þætti það gott. Ég var ansi ánægður að fá tækifærið til þess að elda fyrir einhvern annan en sjálfan mig. Þó svo að mér líki það að mestu leiti mjög vel að búa einn. Þá er ýmislegt sem ég sakna frá því þegar ég var að leigja með öðrum. Þar á meðal að elda almennilega. Það er bara ekki eins að vera að stússa í að elda eitthvað sem kannski tekur sæmilegan tíma. Og sitja svo bara einn að éta það og fá ekkert "feedback".Fyrst ég var byrjaður að gera eitthvað fyrir aðra, þá fór ég í það í dag að sinna eftirliti með stúdentakosningunum í dag. Var að taka niður kennitölur hjá fólki. Komst að því að ég er alveg agalegur í að átta mig á aldrinum á fólki. Brá nærri því í hvert einasta skipti sem ég heyrði árið sem þetta fólk var fætt. En samt gaman af því að það kom einn sem er fæddur réttu ári á eftir mér. Langaði til að standa upp og dansa. En það hefði sennilega verið óviðeigandi.
Æi, þetta er styttra en ég ætlaði að hafa þetta. Veit hvernig ég redda því. Hendi inn lagi. Lagið að þessu sinni er með bresku grúbbunni Artic Monkeys, en þeir eru víst að gera allt vitlaust í Bretaveldi þessa dagana. Platan þeirra Whatever people say I am, thats what I'm not selst víst eins og heitar lummur þessa dagana. Og lagið sem ég ætla að bjóða ykkur upp á að þessu sinni er einmitt síðasta lagið á þeirri plötu. A certain romance geriði svo vel.
Crash
Jæja, þá er pústið bílnum komið á lag. Þori aftur að viðra bílinn eftir kl. 10 á kvöldin. Var reyndar meira að en ég vissi af, og kostaði því töluvert meira. En jæja, það tekur því ekki að vera að velta sér upp úr því.
Horfði á Crash í gær. Yngri myndina sko, ekki þessa með James Spader. Var búið að standa lengi til hjá mér að sjá þessa mynd. Stóð algerlega undir væntingum þótt ég væri ekkert búinn að heyra nema gott um hana, og það mikið gott. En hinsvegar mæli ég ekki með því að horfa á svona áhrifamikla mynd svona þunnur eins og ég var. Var lengi að jafna mig eftir myndina. Því lagði ég ekki í það þegar reynt var að draga mig með á Hostel um kvöldið. Svo treysti ég mér heldur ekki beint lengi út úr húsi. Allt þetta viský sem Birkir bauð manni uppá hafði greinileg áhrif á magann á manni. En ég ætla ekki að fara að ræða það neitt meira.
Æi
Nokkuð miður skemmtilegt átti sér stað í gær. Boggi hringdi í mig og bað mig um að skutla sér út á Höfða, því hann var að spá í að verzla sér bíl og skipta Lödunni út. Það var svo sem ekki svo slæmt. En þegar ég var að skutla honum til baka aftur þá gaf pústið sig. Því fylgdu náttúrulega slík beljandi læti að ég þori ekki að keyra bílinn eftir kl. 10 á kvöldin svo ég verði ekki kærður fyrir ólæti. Sem skapaði smá vandamál þegar ég lét plata mig til þess að kíkja í bíó í gærkvöldi með Sigurði Birni og Haffa Dan. En sem betur fór, þá vorkenndi Sigurður mér nægilega mikið til að gera sér ferð eftir mér hérna út í 101 á leiðinni í bíó. En þótt ég hafi komist klakklaust á leiðarenda, þá gekk þessi bíóferð ekki alveg eins og til var ætlast. Því þegar á hólminn var komið þá var víst ekki verið að sýna myndina sem við stefndum á að sjá. Þess vegna, í stað þess að fara og sjá hryllinginn í Hostel sáum við húmorinn í Dick and Jane. Ætla ekkert að fara að hafa mörg orð um myndina, bara ágætis afþreying, fór ekki inn með miklar væntingar. Og varð því vitanlega ekki fyrir vonbrigðum.
Ljóskubrandari
Svei mér þá, ef ÞETTA er bara ekki besti ljóskubrandari sem ég hef séð.
Ég
er fæddur í Eyjum 1981
hef búið í Eyjum nær alla ævi
bý núna í Reykjavík
vinn sem möppudýr í smiðju í Garðabæ
er flokksbundinn Sjálfstæðismaður
veit ekki hvað ég get sagt fleira um sjálfan mig
býð þig hjartanlega velkominn á síðuna
e-Póstur
msn
Lesist á eigin ábyrgð
Blogg-óði maðurinn
Blogg-óða konan
Blogg-óði faðirinn
Þessi flúði land
Passið ykkur á þessum
Síra
Sýra
njé-2
Þessi kom á Þjóðhátíð
Oft gaman að þessum
Þessi er rokk-fróður
Þessi hefur áhuga á listum
Þessi kann að segja sögur
Þessi fær aldrei notið steríós
Þessi stuðlar að fjölgun mannkyns
Þessi ætlar að laga í mér lifrina
Þessi fór til Spáns
Þessi á dýptarmæli
Þessi fílar Bubba óhóflega mikið
Þessi styður Newcastle United
Þessi er mikið fyrir murtuna
Þessi stúderar í Danaveldi
Þessi er í Breskum leikskóla
Þessi kann á rússneskar bongótrommur
Þessi fann Jesúm
Þessi biður að heilsa
Þessi stjórnar bæ
Þessi kann að jóðla
Þessi valdi Hellisey
Foster's Blog
Foster's Net
VKB's Blog
Þetta skoða ég
Fréttir
Mogginn
Vísir
eyjar.net
Háskólinn
VKB
Dalurinn
Ægisdyr
Eyjabloggarar
B2.is
Google
Heimabankinn
Dagskráin
Árgangur '81
Leikjanet
Uncyclopedia
Encyclopedia
KÉSHÁM (NBA)
Öll tónlist
Eyverjar
IMDb
TV.com
YouTube
Reykjavík FM
Gamalt og mis gott
mars 2004
apríl 2004
maí 2004
júní 2004
júlí 2004
ágúst 2004
september 2004
október 2004
nóvember 2004
desember 2004
janúar 2005
febrúar 2005
mars 2005
apríl 2005
maí 2005
júní 2005
júlí 2005
ágúst 2005
september 2005
október 2005
nóvember 2005
desember 2005
janúar 2006
febrúar 2006
mars 2006
apríl 2006
maí 2006
júní 2006
júlí 2006
ágúst 2006
september 2006
október 2006
nóvember 2006
desember 2006
janúar 2007
febrúar 2007
mars 2007
apríl 2007
maí 2007
júní 2007
júlí 2007
ágúst 2007
september 2007
október 2007
nóvember 2007
desember 2007
janúar 2008
febrúar 2008
mars 2008
apríl 2008
maí 2008
júní 2008
júlí 2008
ágúst 2008
september 2008
október 2008
nóvember 2008
desember 2008
janúar 2009
Þakkir fá
blogskins
Main Site
Powered by TagBoard Message Board
