Blogg
Finnst vera kominn tími á nýtt blogg hjá mér. Veit bara eiginlega ekkert um hvað ég eigi að blogga. Var reyndar líka að enda við að skrifa smá greinarkorn sem ég ætla að reyna að fá birt í næstu Fréttum, svo ég hef sennilega eytt öllum kröftum mínum í það. Veit þó ekki hvort greinin mín nái að komast að núna á fimmtudaginn, maður er náttúrulega alltaf á síðustu stundu með allt, en maður getur bara vonað.Gæti svo sem skirfað um atburði síðustu helgar, en ég bara hef því miður ansi takmarkaðar minningar af því sem væri sennilega helst frásagnarinnar virði. Svo sem eins og riskingunum sem ég lenti í inni á Ara í Ögri. Já, ég lenti í riskingum, ég sem hef verið sakaður um að vera svo rólegur að menn voru farnir að efast um að það hreyfðist í mér blóðið. Versta er, að ég man bara lítið sem ekkert eftir því, held ég hafi hent einhverjum peyja þarna eitthvað til. En svo var nú allt bara rólegt eftir það man eftir að hafa setið við borðið með þessum peyja og vinum hans, held ég hafi eitthvað verið að reyna að spjalla. En átti eflaust ansi erfitt um mál þegar þar var komið við sögu.
Ó já, svo gisti Andri Hugo hjá mér þarna á laugardagsnóttinni eftir riskingarnar og afmælið hans Bogga, gleymdi næstum því að minnast á afmælið þitt Boggi, en það slapp. En það verður víst að teljast frásagnarefni að það sofi fleiri en ég einn í þessari kitru minni. Þó ég verði nú að viðurkenna að ég hefi nú kosið einhverja físu fram yfir Andra.
15.ooo
Þá styttist í það að fimmtánþúsundasti gesturinn leggi leið sína inn á þessa síðu mína. Væri gaman ef sá aðili gæfi sig fram í kommentkerfinu, held ég fari ekki að heita neinum verðlaunum fyrir þetta. Þar sem ég skulda víst honum Borgþóri enn pulsu og kók fyrir að hafa verið nr. 10.ooo. En mér til varnar vil ég þó taka það fram, að Borgþór hafði aldrei fyrir því að rukka mig um þetta.En þó varla hægt annað en að bjóða einhver verðlaun fyrir þetta. Svo þú, gestur nr. 15.ooo, þér er boðið í afmælisveisluna mína (*), sem verður haldin einhvertíman í kringum páskana, á enn eftir að semja endanlega við yfirvaldið yfir salnum þar sem þetta verður haldið. En nákvæmari tímasetning kemur fljótlega.
(*) Tek mér það leyfi að ógilda þetta boð ef fimmtánþúsundasti gesturinn verður einhver afspyrnu leiðinlegur.
Eyjar
Þá er ég kominn aftur til Eyja, fyrr enn stóð til. Fékk boð í síðustu viku á fund hér í Eyjum næsta þriðjudag, svo ég ákvað í gærkvöldi að skella mér bara heim í Eyjar yfir helgina, og aðeins lengur ...Ætlaði reyndar engan að láta vita af komu minni, og reyna að láta lítið fyrir mér fara fram yfir helgi, svo ég yrði laus við þá leiðinda áráttu vina minna að reyna sýnkt og heilagt að draga mann á fyllerí. En ég rakst á vin minn Víking í Herjólfi áðan, þannig að "my cover is blown", svo ég get allt eins nýtt þessa ferð mína til að blogga um. Sem ég hef ekki verið altof duglegur við undanfarið.
Lundi
Þegar ég var að hlusta á fréttirnar nú um daginn hnaut ég um svolítið þegar sagt var frá nýjustu athugnunum á samsetningu fæðu hrefna við Ísland. Þar hafði komið í ljós að sandsíli væri uppistaðan í fæðu hennar, og að við suðurströndina væri sandsíli nánast eina fæða hrefnunnar. Þar hugsa ég að sé loxins komin skýringin á dræmri lundaveiði undanfarin ár. Í ár verður 15. sumarið sem ég fer í lunda, en undanfarin fimm ár eða svo hef ég tekið eftir að mun minna er af lunda, hvort sem er á sjónum, í brekkunum eða á flugi. Flestir mér fróðari og reyndari menn, sem ég hef rætt þetta lundaleysi undanfarinna ára við, hafa verið sammála um að ástæða þess væri að öllum líkindum fæðuskortur fyrir fuglinn við Eyjar. Því hefði ung- og geldfuglinn ekkert að gera að varpsvæðinu og héldi sig bara úti á hafi þar sem fæðuna væri að finna.Ég held því að það sé ekki seinna vænna að fara að hefja hvalveiðar á ný, áður en hvalurinn hefur það af að svelta frá okkur lundann.
Lag
Langt síðan að ég hef sett lag hérna inn. Alveg kominn tími á að ég bæti úr því. Hef bara verið voðalega hugmyndasnauður eitthvað undanfarið. En í ljósi þess að það hafur verið hálfgert íslenskt þema í tónlistinni sem ég hef verið að hlusta á undanfarið þá finnst mér rétt að lagið að þessu sinni verði íslenskt. Því varð fyrir valinu lag sem ég uppgötvaði nýlega með þeim manni sem ég um nokkurt skeið hef sagt að sé vanmetnasti tónlistarmaður Íslands. Ef þið hafið ekki heyrt þetta lag fyrr, gefið því þá séns og hlustið á það til enda, ég lofa ykkur að það kemur skemmtilega á óvart. En jæja nóg um það, Snemma á kvöldin með Gylfa Ægis gjörið þið svo vel.
Tímamót
Á morgun verður þessi síða mín tveggja ára gömul. Merkilegt, hélt ég myndi ekkert endast við þetta blogg rugl þegar Boggi tilkynnti mér það á sínum tím að hann væri búinn að útbúa bloggsíðu fyrir mig, og skipaði mér að blogga. Hef oft velt því fyrir mér hversvegna ég sé eiginlega að þessu. Er helst á því að þetta sé leið fyrir mig til þess að fá útrás fyrir sköpunarþörfina, ekki get ég teiknað og eitthvað verður maður að gera fyrst maður getur ekki smíðað kertastjaka eins og ég gerði oft þegar ekkert var um að vera meðan ég vann í Skipalyftunni.En það sem verra er, að eftir réttan mánuð verð ég 25 ára gamall. Blóm og kransar vinsamlegast af þakkaðir, en þeim sem vilja minnast æsku minnar og veita mér andlegan stuðning á þessum erfiðu tímum er bent á að gefa mér í glas.
Reykjavík að hruni komin
Alveg rosaleg hystería sem greip um sig hérna í höfuðborginni í dag. Eða svo var allavega að skilja af fréttunum. Það voru hreinlega allir miður sín yfir jarðskjálft upp á 4,6 á richter í nokkura tuga kílómetra fjarlægð. Sögðu það meira að segja í Ísland í dag að það hefði hringlað í glösum og þáttastjórnendurnir höfðu meira að segja frétt af því að það hefði brotnað rúða í Garðarbænum. Alþingismaður einn jós líka úr skálum reiði sinnar yfir því að dagskrá Rásar 1 hafi ekki verið rofin vegna þessara hamfara. Hann hreinlega náði ekki upp í nefið á sér, yfir því að þegar hann í örvæntingu sinni stillti á gömlu gufuna, þá hafi honum aðeins verið boðið upp á að hlusta á einhverjar skitnar sinfóníur.
En þar sem ég sat hérna við tölvuna þegar þessi kippur kom velti því fyrir mér í smá tíma hvort þetta hefði verið jarðskjálfti. Ákvað það svo að þetta hefði sennilega bara verið eitthvað tengt mönnunum sem voru að þrífa sorpgeymsluna í kjallaranum. Þar til ég sá fréttina um lætin á Alþingi á mbl.
Greinilegat að þessir Alþingismenn eru tilfinninganæmari en ég.
Til hamingju Ísland
Bjórinn bara kominn á bílprófsaldurinn. Mér finnst fáránlegt að það skul ekki löngu vera búið að gera þetta að lögbundnum frídegi, eða kannski frekar daginn eftir. En samt, finnst það fáránlegt að barirnir skuli ekki stökkva á þetta tækifæri til að reyna að selja nokkra bjóra, sérstaklega á virkumdegi. Hefði haldið að öll svona tækifæri væru kærkomin. Hálf skammast mín reyndar fyrir að segja frá því, en mér tókst að gleyma þessu (í fyrsta skipti í mörg ár samt, ég lofa). En Andri Hugo var svo almennilegur að minna mig á það. Samt spurning um hversu mikil almennilegheit það voru, nú finn ég mig ábyggilega knúinn til þess að fá mér bjór um helgina.Ég
er fæddur í Eyjum 1981
hef búið í Eyjum nær alla ævi
bý núna í Reykjavík
vinn sem möppudýr í smiðju í Garðabæ
er flokksbundinn Sjálfstæðismaður
veit ekki hvað ég get sagt fleira um sjálfan mig
býð þig hjartanlega velkominn á síðuna
e-Póstur
msn
Lesist á eigin ábyrgð
Blogg-óði maðurinn
Blogg-óða konan
Blogg-óði faðirinn
Þessi flúði land
Passið ykkur á þessum
Síra
Sýra
njé-2
Þessi kom á Þjóðhátíð
Oft gaman að þessum
Þessi er rokk-fróður
Þessi hefur áhuga á listum
Þessi kann að segja sögur
Þessi fær aldrei notið steríós
Þessi stuðlar að fjölgun mannkyns
Þessi ætlar að laga í mér lifrina
Þessi fór til Spáns
Þessi á dýptarmæli
Þessi fílar Bubba óhóflega mikið
Þessi styður Newcastle United
Þessi er mikið fyrir murtuna
Þessi stúderar í Danaveldi
Þessi er í Breskum leikskóla
Þessi kann á rússneskar bongótrommur
Þessi fann Jesúm
Þessi biður að heilsa
Þessi stjórnar bæ
Þessi kann að jóðla
Þessi valdi Hellisey
Foster's Blog
Foster's Net
VKB's Blog
Þetta skoða ég
Fréttir
Mogginn
Vísir
eyjar.net
Háskólinn
VKB
Dalurinn
Ægisdyr
Eyjabloggarar
B2.is
Google
Heimabankinn
Dagskráin
Árgangur '81
Leikjanet
Uncyclopedia
Encyclopedia
KÉSHÁM (NBA)
Öll tónlist
Eyverjar
IMDb
TV.com
YouTube
Reykjavík FM
Gamalt og mis gott
mars 2004
apríl 2004
maí 2004
júní 2004
júlí 2004
ágúst 2004
september 2004
október 2004
nóvember 2004
desember 2004
janúar 2005
febrúar 2005
mars 2005
apríl 2005
maí 2005
júní 2005
júlí 2005
ágúst 2005
september 2005
október 2005
nóvember 2005
desember 2005
janúar 2006
febrúar 2006
mars 2006
apríl 2006
maí 2006
júní 2006
júlí 2006
ágúst 2006
september 2006
október 2006
nóvember 2006
desember 2006
janúar 2007
febrúar 2007
mars 2007
apríl 2007
maí 2007
júní 2007
júlí 2007
ágúst 2007
september 2007
október 2007
nóvember 2007
desember 2007
janúar 2008
febrúar 2008
mars 2008
apríl 2008
maí 2008
júní 2008
júlí 2008
ágúst 2008
september 2008
október 2008
nóvember 2008
desember 2008
janúar 2009
Þakkir fá
blogskins
Main Site
Powered by TagBoard Message Board
