Samkvæmt öruggum heimildum síðunnar eru Helliseyingar búnir að koma aumkunar- verðasta mannvirki Þjóðhátíðarinnar fyrir við Höllina í Vestmanna- eyjum. Þetta útspil þeirra Helliseyingja kemur ritstjórn síðunnar ekki á óvart. Enda þeir búnir að ganga um með hjartað í buxunum yfir því að Lundaballið yrði of fjölmennt allt frá því að fyrstu þrí Álsey- ingarnir skráðu sig.
Eins og alþjóð veit eru Helliseyingar verkkvíðnir með eindæmum. Því eru þeir búnir að vera að bölsótast í öðruhverju horni í bænum yfir því að senn færi að fyllast í öll sæti á ballinu. Það væl þeirra virðist þó ekki hafa borið tilætlaðan árangur, því fólk hefur haldið áfram að skrá sig. Enda Lundaball slík skemmtun að meira að segja Helliseyingum ætti ekki að geta tekist að skemma það.
Þess vegna virðast þeir hafa gripið til þess örþrifa ráðs að fæla fólk frá Höllinni með því að planta viftunni við hana.
Það mun þó ekki stöðva okkur Brandarana í að mæta, enda búnir að semja aðgerðaráætlun sem miðar að því að komast klakklaust framhjá þessari hindrun. Gunni Ella Pé mun halda fyrir augun á okkur meðan við göngum inn.
Kunnum við Gunna miklar þakkir fyrir að leggja þessa þolraun á sig, að fórna sér svo aðrir þurfi ekki að sjá viftuna. Þetta mun eflaust reyna á, og þótt hann muni væntanlega leggja sig fram við að líta undan verður hann sennilega eftir sig eftir þetta, og bið ég því þá sem hitta hann á ballinu að bjóða honum í glas.
Þegar ég settist upp í bílinn í morgun og skrúfaði frá útvarpinu mættu mér hinir óþarflega morgunhressu útvarpsmenn Bylgjunnar. En þar sem ég teygði mig til þess að skipta um stöð heyrði ég að þeir ætluðu að hleypa hlustendum í loftið. Eins leiðinlegir og mér jafnan þykja þessháttar dagskrárliðir var ég nokkuð spenntur fyrir þessum, enda stóð til að gefa fólki kost á að viðra skoðanir sínar á Kompásþætti gærkvöldsins.
Ég hafði nefnilega séð umræddan þátt, og þar sem hann vakti hjá mér mun fleiri spurningar en hann gaf mér svör, fýsti mig að vita álit annara á honum. Sá tónn sem mér fannst ríkjandi hjá þeim sem hringdu inn kom mér þó á óvart. Stórum hluta þeirra virtist finnast aðgerðir árásarmannsins réttlætanlegar.
Nú er ég alveg sammála því að þessi Ragnar (sá sem varð fyrir árásinni) virkar, bæði samkvæmt því sem maður hefur heyrt og lesið um hann og því sem kom fram í þættinum í gær, sem frekar skítlegur karakter. En það breytir því ekki að mér finnst í þessari afstöðu fólks kristallast það sem oft heyrast háværar gagnrýnisraddir um í kringum dómsuppkvaðningar í ofbeldismálum. Að Íslendingar virðast almennt líta fjárhagslegt tjón alvarlegri augum en líkamlegt.
Þó svo að Ragnar hafi svikið fé útúr einhverjum, jafnvel með ólöglegum hætti. Sem ekki er hægt að heimta af honum til baka. Og jafnvel þótt Benjamín (árásarmaðurinn) telji sig eiga einhverjar persónulegar óuppgerðar sakir við hann. Réttlætir það ekki að gengið sé í skrokk á honum. Það sést greinilega á myndbandinu af atvikinu að Benjamín reyndi að stappa á höfðinu á Ragnari. Sama hvað Benjamín kann að segja, þá réttlætir það ekkert.
Einhverjir vildu meina að árásin væri réttlætanleg þar sem Ragnar hefði verið að egna Benjamín til þess að ráðast á sig. Myndskeiðið sem var sýnt í Kompás var kannski eitthvað klippt til, en í því var ekkert að sjá sem réttlætti þessa árás. Reyndar finnast mér varla nokkur orð geta réttlætt það að gengið sé í skrokk á manni, hvað þá að reynt sé að stappa á höfði hans.
Hinsvegar er spurningin alltaf til staðar um ábyrgð Kompáss í málinu. Enda svo sem ekki í fyrsta sinn sem þeir "leiða menn í gildru". En ólíkt t.d. máli Ágústs Magnússonar, þá er þarna raunverulegt afbrot fest á filmu. En Ágúst hafði "einungis" gert sig sekan um að mæla sér mót við barn sem ekki var til í raunveruleikanum og gat því, sem betur fer, ekki brotið á henni.
Það vekur þess vegna óneitanlega upp spurningar, fyrst lögreglan virðist ekkert vilja eða geta gert í málinu, hver úrræði annara sem lenda í kúgurum eins og Benjamín sé. Fólks sem hefur ekki myndband sem sýnir málsatvik jafn greinilega og það sem Kompássmenn tóku af árásinni og aðdraganda hennar.
Þó svo að lögreglustjóri hafi hvatt fólk til að kæra svona hrotta, hvort sem væri fyrir kúganir eða árásir, þá spyr maður sig til hvers? Ef ekki er einu sinni talin ástæða til að sækja mann til saka fyrir árás eins og þessa, þrátt fyrir að það hafi náðst á vídeó, vegna þess að lítið sást á fórnarlambinu, hvaða von eiga þá þeir sem einungis hefur verið hótað ofbeldi til þess að lögregla geti eitthvað í þeirra málum gert?
Þó svo að ég leggi allajafna takmarkaðan trúnað á æsifréttamennsku eins og mér finnst þessi umfjöllun Kompáss bera keim af, gæti ég allt eins trúað því að handrukkarar vaðið uppi eins og Kompássmenn vilja vera láta. Allavega ef úrræði lögreglunnar eru ekki meiri en þessi þáttur bar með sér.
En hinsvegar held ég að aðalpunkturinn sé sá að, miðað við viðbrögð fólks í morgunútvarpi Bylgjunnar og á síðunni hans Egils Helgasonar og víðar, fólki væri nær að líta í eigin barm næst þegar það hneykslast á dóm í ofbeldismáli og skammast yfir því að dómstólar virðist meta peninga meira en menn.
Því ef meirihluti þjóðarinnar telur árás sem þessa réttlætanlega þar sem Ragnar hafi haft af einhverjum peninga, þá endurspeglar verðmætamat dómstóla einfaldlega verðmætamat þjóðarinnar.
Það væri veltilfundið að höfuðkokkur veiðifélagsins Ólafsson, Kjartan Ólafsson Vídó, kynnti sér vandlega uppskriftina í lok þessa myndbands fyrir næstu veiðiferð (hvenær nú sem hún verður). Brennivínslegnar lundabringur virka með öllu ómótstæðilegar, þó svo að handbrögð Skotans við veiðar eftir leiðsögn Suðureyingsins í Ellirey séu ekki til eftirbreytni.
Ég er að spá í að fara að skrifa nafnið mitt Helgi Ólafz.
Er það kúl?
Er það virkilega ..?
Legg til að næst verði bæjarstjórinn og bróðirinn fengnir til að syngja þjóðsönginn.
Og hvað var með þennan dómara? Hvernig verða eiginlega svona hæfileikalaus dusilmenni alþjóðlegir dómarar ..?
Nú er ég ekki hneigður til ofbeldis, en það á að taka svona menn og berja þá ...
Önnur fréttin í hádegisfréttum Söðvar 2/Bylgjunnar var að heimsendir hafi ekki orðið í morgun.
Það þurfti nú ekki að segja mér það. Ég tók alveg eftir því.
Ef þessi þróun heldur áfram, þá verður kynjahlutfallið fljótlega orðið þannig að manni verði ekki stætt á öðru en að flytja heim til Eyja við fyrsta tækifæri.
Mikið afskaplega finnst mér oft umræðan um staðsetningu Reykjavíkurflugvallar á miklum villigötum. Sérstaklega málflutningur andstæðinga þess að hann sé í Vatnsmýrinni. Í dag, í framhaldi af beiðni Ólafs F. um nýja kosningu um flugvöllinn, skrifar Gísli granni þennan pistil um málið. Þar sem hann með þeirri hrokafullu kaldhæðni, sem mér finnst alltof oft einkenna málflutning þeirra sem vilja ólmir koma vellinum úr Vatnsmýrinni, spyr: „... hversu langan tíma það má taka [...] að komast frá miðju Reykjavíkur út á flugvöll. Núna tekur það um 5 mínútur. Er það hámarkið?“.
Í mínum huga snýst málið ekki um það, og hefur aldrei snúist um það, hvort maður sé kortérinu lengur eða skemur að komast af flugvellinum niður að tjörn. Heldur snýst þetta, og mun alltaf snúast, um sjúkraflugið.
Ég hef upplifað það að horfa á eftir föður mínum fara með sjúkraflugi frá Vestmannaeyjum. Hann hafði fengið alvarlegt hjartaáfall, og hver mínúta sem leið áður en hann komst í aðgerð hefði getað skilið milli feigs og ófeigs. Blessunarlega gekk þetta allt hratt og örugglega fyrir sig og faðir minn komst undir læknis hendur í Reykjavík í tæka tíð, með aðeins örfáar mínútur upp á að hlaupa.
Svarið við spurningunni hans Gísla er því: Nei, 5 mínútur eru ekki hámarkið fyrir því hversu langan tíma það má taka að komast frá miðju Reykjavíkur út á flugvöllinn. En 5 mínútur er hámarkið fyrir því hversu langan tíma það má taka að komast af flugvellinum og á sjúkrahúsið.
Ég er algjörlega á móti því, miðað við þær áætlanir sem eru uppi í dag varðandi nýtt háskóla sjúkrahús, að flytja flugvöllinn úr Vatnsmýrinni. Landspítalinn, háskóla sjúkrahúsið, hátækni sjúkrahúsið eða hvað þið viljið kalla þetta, er ekki bara fyrir höfuðborgarbúa. Þar er veitt ýmis þjónusta sem ekki er hægt að sækja annarstaðar á landinu. Oft og tíðum er það bráðaþjónusta, sem getur ráðið því hvort fólk lifi eða deyi.
Viljinn til þess að halda flugvellinum í Vatnsmýrinni hefur því ekkert með fjarlægðina frá tjörninni, Austurvelli eða Laugaveginum að gera. Þess vegna er mér slétt sama þótt flugvöllurinn verði færður til Keflavíkur, svo framarlega sem nýtt háskóla sjúkrahús rísi þar líka.
En að ætla sér að flytja flugvöllinn út fyrir borgarmörkin en reisa nýtt háskóla sjúkrahús við Hringbrautina er algerlega út í hött. Það er ekki bara út í hött, heldur getur það hreinlega verið lífshættulegt fyrir þá fjölmörgu landsbyggðarbúa sem þarf að flytja í skyndi á sjúkrahús í Reykjavík ár hvert.
Ég
er fæddur í Eyjum 1981
hef búið í Eyjum nær alla ævi
bý núna í Reykjavík
vinn sem möppudýr í smiðju í Garðabæ
er flokksbundinn Sjálfstæðismaður
veit ekki hvað ég get sagt fleira um sjálfan mig
býð þig hjartanlega velkominn á síðuna
e-Póstur
msn
Lesist á eigin ábyrgð
Blogg-óði maðurinn
Blogg-óða konan
Blogg-óði faðirinn
Þessi flúði land
Passið ykkur á þessum
Síra
Sýra
njé-2
Þessi kom á Þjóðhátíð
Oft gaman að þessum
Þessi er rokk-fróður
Þessi hefur áhuga á listum
Þessi kann að segja sögur
Þessi fær aldrei notið steríós
Þessi stuðlar að fjölgun mannkyns
Þessi ætlar að laga í mér lifrina
Þessi fór til Spáns
Þessi á dýptarmæli
Þessi fílar Bubba óhóflega mikið
Þessi styður Newcastle United
Þessi er mikið fyrir murtuna
Þessi stúderar í Danaveldi
Þessi er í Breskum leikskóla
Þessi kann á rússneskar bongótrommur
Þessi fann Jesúm
Þessi biður að heilsa
Þessi stjórnar bæ
Þessi kann að jóðla
Þessi valdi Hellisey
Foster's Blog
Foster's Net
VKB's Blog
Þetta skoða ég
Fréttir
Mogginn
Vísir
eyjar.net
Háskólinn
VKB
Dalurinn
Ægisdyr
Eyjabloggarar
B2.is
Google
Heimabankinn
Dagskráin
Árgangur '81
Leikjanet
Uncyclopedia
Encyclopedia
KÉSHÁM (NBA)
Öll tónlist
Eyverjar
IMDb
TV.com
YouTube
Reykjavík FM
Gamalt og mis gott
mars 2004
apríl 2004
maí 2004
júní 2004
júlí 2004
ágúst 2004
september 2004
október 2004
nóvember 2004
desember 2004
janúar 2005
febrúar 2005
mars 2005
apríl 2005
maí 2005
júní 2005
júlí 2005
ágúst 2005
september 2005
október 2005
nóvember 2005
desember 2005
janúar 2006
febrúar 2006
mars 2006
apríl 2006
maí 2006
júní 2006
júlí 2006
ágúst 2006
september 2006
október 2006
nóvember 2006
desember 2006
janúar 2007
febrúar 2007
mars 2007
apríl 2007
maí 2007
júní 2007
júlí 2007
ágúst 2007
september 2007
október 2007
nóvember 2007
desember 2007
janúar 2008
febrúar 2008
mars 2008
apríl 2008
maí 2008
júní 2008
júlí 2008
ágúst 2008
september 2008
október 2008
nóvember 2008
desember 2008
janúar 2009
Þakkir fá
blogskins
Main Site
Powered by TagBoard Message Board
