![]() |
|
|
miðvikudagur, desember 24
Gleðileg jól
Ritstjórn helgi.vinirketils.com óskar öllum lesendum vefritsins gleðilegra jóla og farsældar á ári komandi.
þriðjudagur, desember 16
Skylda að vera jólahjól
Í tilefni þess að nú séu einungis þrír dagar í að ég verði kominn í jólafrí á Eyjuna fögru í suðri (að því gefnu að Herjólfur verði ennþá á floti), þá hef ég klætt vefritið http://helgi.vinirketils.com/ í jólafötin. Einnig nýtti ég tækifærið, fyrst ég var á annaðborð að vinna í kóðanum, og henti út Ketti vikunnar, enda farið að slá í hræið af honum. Á síður von á að það komi neitt í staðin fyrir hann, enda eins og lesendur sjá, þá á ritstjórnin í mesta basli með að halda lífi í síðunni. En það er þó aldrei að vita nema maður ofmetnist einhvertímann aftur og setji inn könnun eða eitthvað skemmtilegt í líkingu við það. Þið verðið bara að fylgjast með.
mánudagur, desember 8
Einhliða upptaka
Ég skil ekki afhverju umræðan um einhliða upptöku gjaldmiðils í stað krónunnar snýst alltaf um evruna. Sömu menn og í öðru orðinu segja af ýmsum ástæðum ekkert vit í upptöku annars gjaldmiðils en evrunnar, segja svo í hinu orðinu að það sé ekki hægt vegna þess að Evrópusambandinu yrði svo illa við það. Nú geri ég mér grein fyrir því að það séu ýmsir ókostir fylgjandi því að taka einhliða upp gjaldmiðil aðrir en óvild Evrópusambandsríkjanna. En hversvegna, ef allir virðast sammála um það að einhliða upptaka evru sé afleitur kostur, eru ekki upptaka annar gjaldmiðla rædd frekar? Bandaríkjamenn virðast til að mynda hæstánægðir ef aðrar þjóðir vilja taka upp dollarinn. Af hverju er þá ekki rætt um hann sem fyrsta kost? Jú, við höfum sennilega meiri viðskipti við evruríkin en Bandaríkin, en ég er nokkuð viss um að Bandaríkin hafi meiri viðskipti við evruríkin en við. Gæti það verið að ESB-trúboðarnir reyni meðvitað að beina umræðunni í þennan farveg, að segja: "Jú jú, einhliða upptaka EVRU er alveg möguleiki, en það væri svo mikli miklu betra bara að ganga í ESB"? Er það skýringin á því að fjölmiðlar tala alltaf um einhliða upptöku EVRU, en ekki einhliða upptöku annars gjaldmiðils? |
Ég er fæddur í Eyjum 1981
Lesist á eigin ábyrgð Blogg-óði maðurinn
Þetta skoða ég Fréttir
Gamalt og mis gott mars 2004 Þakkir fá blogskins |